Oʻzbekiston respublikasining soliq kodeksi (Yangi tahriri) Oʻzbekiston Respublikasining

358-modda. Soliq rezidentligini tasdiqlovchi 
hujjatga qoʻyiladigan talablar 
(1-q.)
Norezident boʻlgan daromad oluvchi Oʻzbekiston Respublikasining xalqaro 
shartnomasi tuzilgan davlatning rezidenti ekanligini tasdiqlaydigan, quyidagi turlardan birida 
taqdim etilgan rasmiy hujjat ushbu boʻlim qoidalarini qoʻllash maqsadida soliq rezidentligini 
tasdiqlovchi hujjatdir: 
1) norezident rezidenti boʻlgan chet davlatning vakolatli organi tomonidan tasdiqlangan asl 
nusxa. Bunda shunday hujjatni berish konsullik legallashtirish amalga oshirilgan va qonunchilikda 
belgilangan tartibda apostil qoʻyilgan holda bajariladi; 
(OʻzR 21.04.2021-y. OʻRQ-683-son 
Qonuni tahriridagi band) 
2) ushbu moddaning 1-bandi talablariga muvofiq boʻlgan hujjat asl nusxasining notarial 
tartibda tasdiqlangan koʻchirma nusxasi; 
3) chet davlat vakolatli organining internet-resursida joylashtirilgan, soliq rezidentligini 
tasdiqlovchi elektron hujjatning qogʻozdagi nusxasi. 
(2-q.)
Soliq solish masalalarini tartibga soluvchi xalqaro shartnoma mavjud boʻlgan davlatda 
chet el banklari va xalqaro banklararo telekommunikatsiya tuzilmalariga chet el bankining yoki 
xalqaro banklararo telekommunikatsiya tizimining doimiy turgan joyi faktini tasdiqlash, agar 
bunday turgan joy hamma foydalana oladigan axborot manbalaridagi maʼlumotlar bilan 
tasdiqlansa, talab qilinmaydi. 

---

(3-q.)
Oʻzbekiston Respublikasining qonunchiligida belgilangan tartibda legallashtirish 
quyidagi hollarda talab qilinmaydi, agar: 
(OʻzR 21.04.2021-y. OʻRQ-683-son Qonuni tahriridagi 
xatboshi) 
1) soliq rezidentligini tasdiqlovchi hujjat chet davlat vakolatli organining internet-resursida 
joylashtirilgan boʻlsa; 
2) ushbu moddaning birinchi qismida koʻrsatilgan shaxs (shaxslar) imzosining va muhrining 
haqiqiyligini tasdiqlashning boshqacha tartibi belgilangan boʻlsa, yaʼni: 
a) Oʻzbekiston Respublikasining xalqaro shartnomasi bilan; 
b) oʻzaro kelishib olish tartib-taomili doirasida Oʻzbekiston Respublikasining vakolatli 
organi va chet davlatning vakolatli organi oʻrtasida belgilangan boʻlsa. 
(4-q.)
Norezidentning soliq rezidentligini tasdiqlovchi hujjatda koʻrsatilgan davr mobaynida 
Oʻzbekiston Respublikasi xalqaro shartnoma tuzgan davlatning soliq rezidenti deb norezident 
eʼtirof etiladi. 
(5-q.)
Agar soliq rezidentligini tasdiqlovchi hujjatda soliq rezidentligi davri koʻrsatilmagan 
boʻlsa, bunday hujjat berilgan (chet davlat vakolatli organining internet-resursida joylashtirilgan) 
kalendar yil mobaynida norezident Oʻzbekiston Respublikasi Oʻzbekiston Respublikasining 
xalqaro shartnomasini tuzgan davlatning soliq rezidenti deb eʼtirof etiladi.