Oʻzbekiston respublikasining soliq kodeksi (Yangi tahriri) Oʻzbekiston Respublikasining

219-modda. Soliq organida hisobga qoʻyish tartibini buzish 
(1-q.)
Qoʻshilgan qiymat soligʻining soliq toʻlovchisi sifatida soliq organlarida hisobga 
qoʻyishning belgilangan tartibi soliq toʻlovchi tomonidan buzilganda, - 
soliq toʻgʻrisidagi qonunchilikda nazarda tutilgan hisobga qoʻyish sanasidan haqiqatda 
hisobga qoʻyilgan sanagacha boʻlgan davrda olgan daromadining besh foizi miqdorida, lekin besh 

---

million soʻmdan kam boʻlmagan miqdorda jarima solishga sabab boʻladi. 
(OʻzR 21.04.2021-y. 
OʻRQ-683-son Qonuni tahriridagi sanksiya) 
(2-q.)
Ushbu Kodeksning 131-moddasida nazarda tutilgan hollarda soliq solish obyekti 
boʻyicha soliq organlarida hisobga qoʻyish muddatlari buzilganda, agar hisobga qoʻyishning 
belgilangan muddatidan oʻtishi: 
oʻttiz kundan koʻp boʻlmaganda, - bir million soʻm miqdorida jarima solishga sabab boʻladi; 
oʻttiz kundan koʻp boʻlganda, - ikki million soʻm miqdorida jarima solishga sabab boʻladi. 
(3-q.)
Chet el yuridik shaxsi tomonidan Oʻzbekiston Respublikasi hududida doimiy 
muassasasini tashkil etishga olib keluvchi faoliyatning soliq organida hisobga qoʻymasdan amalga 
oshirilishi - 
bunday faoliyatni amalga oshirish boshlangandan haqiqatda hisobga qoʻyilgan sanagacha 
boʻlgan davrda olingan daromaddan oʻn foiz miqdorida, lekin oʻn million soʻmdan kam boʻlmagan 
miqdorda jarima solishga sabab boʻladi. 
(4-q.) 
Jismoniy shaxs tomonidan tadbirkorlik faoliyatini yakka tartibdagi tadbirkor sifatida 
davlat roʻyxatidan oʻtmasdan amalga oshirish, -
bunday faoliyatdan olingan daromadlarning oʻn foizi miqdorida, lekin bir million soʻmdan 
kam boʻlmagan miqdorda jarima solishga sabab boʻladi. 
220-modda. Soliq hisobotini taqdim etish tartibini buzish 
(OʻzR 29.12.2021-y. OʻRQ-741-son Qonuni tahriridagi modda matni) 
(Oldingi tahririga qarang) 
Soliq hisobotini oʻz vaqtida taqdim etmaganlik uchun soliq toʻlovchi boʻlgan yuridik 
shaxsning mansabdor shaxsi yoki soliq toʻlovchi boʻlgan jismoniy shaxs maʼmuriy javobgarlikka 
tortiladi.