Oʻzbekiston respublikasining soliq kodeksi (Yangi tahriri) Oʻzbekiston Respublikasining

460-modda. Yigʻimlarni toʻlash tartibi 
(OʻzR 29.12.2021-y. OʻRQ-741-son Qonuni tahriridagi modda) 
(Oldingi tahririga qarang) 
(1-q.)
Chet davlatlar avtotransport vositalarining Oʻzbekiston Respublikasi hududiga 
kirganligi va uning hududi orqali tranziti uchun yigʻim chet davlatning avtotransport vositasi 
Oʻzbekiston Respublikasi hududiga kirayotganda undiriladi. 
(2-q.)
Alkogol mahsulotlarini realizatsiya qilish huquqi uchun yigʻim alkogol mahsulotlarini 
realizatsiya qilish boshlanganligi toʻgʻrisida xabarnoma yuborilgan paytdan eʼtiboran toʻlanadi. 
Bunda xabarnoma joriy oyning yigirmanchi sanasiga qadar yuborilganda yigʻim ushbu oy uchun 
toʻliq hajmda, xabarnoma joriy oyning yigirmanchi sanasidan keyin yuborilganda esa keyingi 
oyning birinchi sanasidan boshlab hisoblab chiqariladi. 
(3-q.)
Agar alkogol mahsulotlarini realizatsiya qilish, shu jumladan umumiy ovqatlanish 
korxonalari tomonidan realizatsiya qilish bir nechta statsionar savdo va (yoki) umumiy ovqatlanish 
punktlari orqali amalga oshirilsa, alkogol mahsulotlarini realizatsiya qilish huquqi uchun yigʻimlar 

---

belgilangan stavkalar doirasida statsionar savdo va (yoki) umumiy ovqatlanish punktlarining 
soniga, shuningdek ularning har biri joylashgan hudud oʻlchamlariga mutanosib ravishda hisoblab 
chiqariladi hamda undiriladi. 
(4-q.)
Alkogol mahsulotlari bilan chakana savdo qilish faoliyati toʻxtatib turilganda yoki 
tugatilganda yigʻimni hisoblab chiqarish keyingi oyning birinchi sanasidan boshlab toʻxtatib 
turiladi. 
(5-q.)
Alkogol mahsulotlarini realizatsiya qilish huquqi uchun yigʻim har oyda oldindan 
toʻlov tarzida, joriy oyning oʻninchi sanasiga qadar toʻlanadi. 
(6-q.)
Alkogol mahsulotlarini realizatsiya qilish huquqi uchun undiriladigan yigʻimlar 
qonunchilikda belgilangan tartibda taqsimlanadi. 
OʻzR 29.12.2021-y. OʻRQ-741-son
Qonuniga 
muvofiq 460-1-modda chiqarib tashlangan