O’zbekiston respublikasining soliq kodeksi I bo’lim. Umumiy qoidalar

125-modda. Soliq to’lovchilar konsolidatsiyalashgan 
guruhining 
ishtirokchilaridan 
banklardagi 
hisobvaraqlardagi pul mablag’lari hisobidan soliq qarzini 
undirish 
 
Soliq to’lovchilarning konsolidatsiyalashgan guruhi bo’yicha foyda solig’i 
yuzasidan soliq qarzini shu konsolidatsiyalashgan guruh ishtirokchilarining 
banklardagi hisobvaraqlaridagi pul mablag’lari hisobidan undirishda ushbu Kodeks 
124-moddasining qoidalari mazkur moddada nazarda tutilgan xususiyatlarni 
hisobga olgan holda qo’llaniladi. 
Soliq to’lovchilar konsolidatsiyalashgan guruhi bo’yicha foyda solig’i 
yuzasidan soliq qarzini ushbu konsolidatsiyalashgan guruh ishtirokchilarining 
banklardagi hisobvaraqlaridagi pul mablag’lari hisobidan undirish to’g’risidagi 
qaror (bundan buyon ushbu moddada undirish to’g’risidagi qaror deb yuritiladi) 
ushbu Kodeksning 127-moddasida belgilangan tartibda qabul qilinadi. Bunday qaror 
soliq to’lovchilarning konsolidatsiyalashgan guruhi bo’yicha foyda solig’ini to’lash 
uchun belgilangan muddat o’tganidan keyin qabul qilinadi.
Banklardagi hisobvaraqlardagi pul mablag’lari hisobidan soliq qarzini undirish 
birinchi navbatda soliq to’lovchilar konsolidatsiyalashgan guruhi mas’ul 
ishtirokchisining pul mablag’lari hisobidan amalga oshiriladi. 

---

125 
Soliq to’lovchilar konsolidatsiyalashgan guruhi mas’ul ishtirokchisining 
banklardagi hisobvaraqlarida soliq qarzining butun summasini undirish uchun pul 
mablag’lari etarli bo’lmasa yoki bo’lmasa, undirilmay qolgan summani undirish 
ushbu konsolidatsiyalashgan guruh qolgan ishtirokchilarining banklardagi pul 
mablag’lari hisobidan amalga oshiriladi. 
Soliq organi soliq to’lovchilar to’g’risidagi o’zida mavjud bo’lgan axborot 
asosida soliq to’lovchilar konsolidatsiyalashgan guruhi ishtirokchilarining 
banklardagi hisobvaraqlaridagi pul mablag’lari hisobiga undirish amalga 
oshiriladigan tarkibini va oldingi ishtirokchilarning bankdagi hisobvaraqlarida pul 
mablag’lari etarli bo’lmagan taqdirda, ushbu ishtirokchilardan bunday undirishning 
ketma-ketligini mustaqil ravishda belgilaydi. 
Soliq to’lovchilar konsolidatsiyalashgan guruhining soliq qarzi ushbu 
konsolidatsiyalashgan guruh ishtirokchilarining biri tomonidan uzilgan, shu 
jumladan qisman uzilgan taqdirda ko’rsatilgan soliq qarzini undirish tartib-taomili 
ushbu ishtirokchi tomonidan uzilgan qismi bo’yicha tugatiladi. 
Soliq to’lovchilar konsolidatsiyalashgan guruhining o’ziga nisbatan undiruv 
to’g’risida qaror chiqarilgan ishtirokchilariga soliq to’lovchilar uchun ushbu 
Kodeksda nazarda tutilgan huquqlar va kafolatlar tatbiq etiladi.