O’zbekiston respublikasining soliq kodeksi I bo’lim. Umumiy qoidalar

114-modda. 
Banklardagi 
hisobvaraqlar 
bo’yicha 
operatsiyalarni to’xtatib turish 
 
Soliq to’lovchilarning bankdagi hisobvaraqlari bo’yicha operatsiyalarni 
to’xtatib turish to’g’risidagi qaror soliq organining rahbarlari (rahbar o’rinbosarlari) 
tomonidan qabul qilinishi mumkin. 
Yuridik shaxslar va yakka tartibdagi tadbirkorlarning bankdagi hisobvaraqlari 
bo’yicha operatsiyalarni to’xtatib turish soliq organi tomonidan mazkur soliq 
to’lovchilarning hamda soliq agentlarining soliq majburiyatlari bajarilishini 
ta’minlash uchun quyidagi hollarda qo’llanilishi mumkin: 

---

113 
1) ushbu soliq to’lovchi moliya va (yoki) soliq hisobotini soliq organiga bunday 
hisobotni taqdim etishning belgilangan muddati o’tgandan kein o’n kun ichida 
taqdim etmaganda; 
2) kameral soliq tekshiruvi natijalari bo’yicha soliq organining talabiga ko’ra 
soliq to’lovchi tushuntirishlar va (yoki) tuzatishlarni taqdim etmaganda, soliq organi 
tomonidan talab qilingan hujjatlarni soliq to’lovchi taqdim etmaganda, shuningdek 
soliq organiga chaqirish to’g’risida bildirishnoma yuborilganda soliq organiga 
kelmaganda; 
3) xo’jalik yurituvchi sub’ektlar tomonidan tovarlarni (xizmatlarni) kirim 
hujjatlarisiz realizatsiya qilish. Bunda quyidagi tovarlarni (xizmatlarni) kirim 
hujjatlarisiz realizatsiya qilish deb e’tirof etiladi: 
olinayotgan va realizatsiya qilinayotgan tovarlarning (xizmatlarning) 
nomuvofiqligi; 
kirim qilingan va realizatsiya qilingan (sarflangan) tovarlar hajmlarining 
nomuvofiqligi, huddi shuningdek soliq teshiruvi jarayonida aniqlangan, xo’jalik 
yurituvchi sub’ektlar faoliyatining xususiyati va turiga operatsiyalarning 
nomuvofiqligi; 
tovarlar (xizmatlar) kirim qilingani faktidan dalolat beruvchi hujjatlarning 
mavjud emasligi yo’qligi, almashtirilganligi, qalbakilashtirilganligi yoki yo’q 
qilinganligi sayyor tekshiruv yoki soliq auditi jarayonida aniqlangan, hisobda 
realizatsiya qilinmagan sifatida turgan tovarlarning omborxonada yoki realizatsiya 
qilinadigan joyda mavjud emasligi; 
4) soliq tekshiruvini o’tkazuvchi soliq organlari mansabdor shaxslarining 
ko’rsatilgan hududga yoki binoga (bundan turar joylar mustasno) kirishiga to’sqinlik 
qilish. Soliq organi mansabdor shaxsining kirishiga to’sqinlik qilish o’zi va 
tekshiruvchi shaxs tomonidan imzolanadigan dalolatnoma bilan rasmiylashtiriladi. 
Bunday dalolatnoma asosida soliq organi bank hisobvaraqlari bo’yicha 
operatsiyalarni to’xtatib turadi; 
5) soliq to’lovchining o’zi ko’rsatgan manzilda yo’qligi. 
Hisobvaraq bo’yicha operatsiyalarning to’xtatib turilishi banklar tomonidan 
soliq to’lovchining (soliq agentining) barcha hisobvaraqlari yuzasidan barcha 
chiqim operatsiyalari to’xtatilganligini anglatadi. 
Soliq to’lovchilar konsolidatsiyalashgan guruhining mas’ul ishtirokchisi 
tomonidan soliq hisoboti bunday hisobotni taqdim etishning belgilangan muddati 
o’tgach o’n kun ichida taqdim etilmagan taqdirda, bankdagi hisobvaraqlar bo’yicha 
operatsiyalarni to’xtatib turish to’g’risidagi qaror soliq organi rahbarining (uning 
o’rinbosarining) ixtiyoriga ko’ra mas’ul ishtirokchining yoki ushbu 
konsolidatsiyalashgan guruh barcha ishtirokchilarining operatsiyalariga nisbatan 
qabul qilinishi mumkin. 
Hisobvaraq bo’yicha operatsiyalarni to’xtatib turish quyidagilarga tatbiq 
etilmaydi: 
1) bajarilishi navbati O’zbekiston Respublikasining fuqarolik qonun 
hujjatlariga muvofiq soliqlarni to’lash majburiyatini bajarishdan oldinda bo’lgan 
to’lovlar; 

---

114 
2) pul mablag’larini soliqlarni (joriy va bo’nak to’lovlarni), tegishli penyalar 
va jarimalarni to’lash hisobiga hisobdan chiqarish hamda ularni byudjet tizimiga 
o’tkazish; 
3) O’zbekiston Respublikasi qonun hujjatlariga muvofiq undiruvni qaratish 
yo’l qo’yilmaydigan bankdagi hisobvaraqlar.