O’zbekiston respublikasining soliq kodeksi I bo’lim. Umumiy qoidalar

13-bob. Soliq majburiyatining bajarilishini ta’minlash 
 

---

108 
109-modda. Soliq majburiyatining bajarilishini 
ta’minlash usullari 
 
Soliq majburiyatining bajarilishi mol-mulk garovi, kafillik, bank kafolati, 
penya va soliq to’lovchining mol-mulkini xatlab qo’yish bilan ta’minlanishi 
mumkin. 
Soliq to’lovchining soliq majburiyatini bajarish bo’yicha ta’minlash choralari 
sifatida mol-mulkni xatlab qo’yish uning arizasiga ko’ra: 
1) 
ushbu 
Kodeksning 
112-moddasida 
nazarda 
tutilgan 
tartibda 
rasmiylashtirilgan bank kafolati bilan; 
2) qimmatli qog’ozlar uyushgan bozorida muomalada bo’lgan qimmatli 
qog’ozlarning garovi yoki ushbu Kodeksning 110-moddasida nazarda tutilgan 
tartibda rasmiylashtirilgan boshqa mol-mulk garovi bilan; 
3) 
ushbu 
Kodeksning 
111-moddasida 
nazarda 
tutilgan 
tartibda 
rasmiylashtirilgan uchinchi shaxsning kafilligi bilan almashtirilishi mumkin.
Ushbu Kodeksning 112-moddasida nazarda tutilgan tartibda rasmiylashtirilgan 
amaldagi bank kafolati berilgan taqdirda, soliq organi soliq to’lovchiga ushbu 
bandda nazarda tutilgan ta’minlash choralarini almashtirishni rad etishga haqli emas. 
Soliq majburiyatining bajarilishini ta’minlash usullari, ularni qo’llash tartibi va 
shartlari ushbu bobda belgilab qo’yiladi. 
O’zbekiston Respublikasining bojxona chegarasi orqali tovarlarni olib o’tish 
munosabati bilan to’lanishi lozim bo’lgan soliqlar bo’yicha O’zbekiston 
Respublikasining bojxona to’g’risidagi qonun hujjatlarida belgilangan tartibda va 
shartlarda soliq majburiyatining bajarilishini ta’minlashning boshqa choralari ham 
qo’llanilishi mumkin. 
110-modda. Mol-mulk garovi 
 
Ushbu Kodeksda nazarda tutilgan hollarda, soliqlarni to’lash majburiyati mol-
mulk garovi bilan ta’minlanishi mumkin. 
Mol-mulk garovi soliq organi va garovga qo’yuvchi o’rtasidagi shartnoma 
bilan rasmiylashtiriladi. Soliq to’lovchining o’zi ham, uchinchi shaxs ham garovga 
qo’yuvchi bo’lishi mumkin.
Soliq to’lovchi tegishli soliq summalarini va tegishli penyalarni to’lash 
bo’yicha majburiyatini bajarmagan taqdirda, soliq organi ushbu majburiyatning 
garovga qo’yilgan mol-mulk qiymati hisobidan bajarilishini O’zbekiston 
Respublikasining fuqarolik qonun hujjatlarida belgilangan tartibda amalga oshiradi. 
O’zbekiston Respublikasining fuqarolik qonun hujjatlariga ko’ra o’ziga 
nisbatan garov o’rnatilishi mumkin bo’lgan mol-mulk, agar ushbu moddada 
boshqacha qoida belgilanmagan bo’lsa, garov predmeti bo’lishi mumkin. 
Boshqa shartnoma bo’yicha garov predmeti soliq organi va garovga qo’yuvchi 
o’rtasidagi shartnoma bo’yicha garov predmeti bo’lishi mumkin emas. 
Garov chog’ida mol-mulk garovga qo’yuvchida qolishi yoki garovga 
qo’yuvchining mablag’lari hisobiga soliq organiga, (garovga oluvchiga) garovga 

---

109 
qo’yilgan mol-mulkning but saqlanishini ta’minlash majburiyati unga yuklangan 
holda, topshirilishi mumkin. 
Garovga qo’yilgan mol-mulkka nisbatan biron-bir bitimni, shu jumladan soliq 
qarzi summalarini uzish maqsadlarida bitimlarni tuzish faqat garovga oluvchi bilan 
kelishuvga binoan amalga oshirilishi mumkin.
Soliq majburiyatining bajarilishini ta’minlash usuli sifatida garov belgilashda 
yuzaga keladigan huquqiy munosabatlarga nisbatan, agar soliq to’g’risidagi qonun 
hujjatlarida boshqacha qoida belgilanmagan bo’lsa, O’zbekiston Respublikasining 
fuqarolik to’g’risidagi qonun hujjatlarining qoidalari qo’llaniladi.