O’zbekiston respublikasining soliq kodeksi I bo’lim. Umumiy qoidalar

105-modda. Kechiktirish yoki bo’lib-bo’lib to’lashning 
amal
qilishini tugatish 
 
Kechiktirish yoki bo’lib-bo’lib to’lashning amal qilishi tegishli qarorning amal 
qilish muddati o’tganidan keyin tugatiladi yoxud ushbu moddada nazarda tutilgan 
hollarda bunday muddat o’tgunga qadar tugatilishi mumkin.
Belgilangan muddat o’tgunga qadar soliqning butun tegishli summasi va 
tegishli foizlarning summasi to’langan taqdirda, kechiktirish yoki bo’lib-bo’lib 
to’lashning amal qilishi muddatidan ilgari tugatiladi. 
Kechiktirish yoki bo’lib-bo’lib to’lash imkoniyatini berish shartlari manfaatdor 
shaxs tomonidan buzilgan taqdirda, kechiktirish yoki bo’lib-bo’lib to’lashning amal 
qilishi soliqni to’lash bo’yicha majburiyatni bajarish muddatini tegishli o’zgartirish 
to’g’risida qaror qabul qilgan vakolatli organning qaroriga ko’ra muddatidan ilgari 
tugatilishi mumkin. 
Ushbu moddaning uchinchi qismida nazarda tutilgan hollarda kechiktirish yoki 
bo’lib-bo’lib to’lashning amal qilishi muddatidan ilgari tugatilganda manfaatdor 

---

103 
shaxs o’zi tegishli qarorni olganidan keyin bir oy ichida soliq qarzining to’lanmagan 
summasini, shuningdek kechiktirish yoki bo’lib-bo’lib to’lashning amal qilishini 
tugatish to’g’risidagi qaror qabul qilingan kundan keyingi kundan boshlab ushbu 
summa to’langan kungacha bo’lgan har bir kalendar kun uchun penyalarni to’lashi 
kerak. Bunda soliq qarzining qoplanmasdan qolgan summasi kechiktirish (bo’lib-
bo’lib to’lash) to’g’risidagi qarorda ko’rsatilgan soliq karzi summasi kechiktirish 
yoki bo’lib-bo’lib to’lash amal qilgan muddatda hisoblangan foiz summasiga 
oshirilgan summa va haqiqatda to’langan summa hamda protsentlar o’rtasidagi farq 
sifatida aniqlanadi. 
Kechiktirish yoki bo’lib-bo’lib to’lash to’g’risidagi qaror bekor qilingani 
to’g’risidagi xabarnoma ushbu qarorni qabul qilgan vakolatli organ tomonidan qaror 
qabul qilingan kundan e’tiboran besh kun ichida ushbu Kodeksda nazarda tutilgan 
tartibda manfaatdor shaxsga yuboriladi. Bunday qarorning ko’chirma nusxasi ayni 
shu muddatlarda manfaatdor shaxs hisobga olingan joydagi soliq organiga 
yuboriladi. 
Vakolatli organning kechiktirishning, bo’lib-bo’lib to’lashning amal qilishini 
muddatidan ilgari tugatish to’g’risidagi qarori ustidan manfaatdor shaxs O’zbekiston 
Respublikasining qonun hujjatlarida belgilangan tartibda sudga shikoyat qilishi 
mumkin.
Ushbu bobda nazarda tutilgan va to’lanishi lozim bo’lgan foizlar, ularni to’lash 
muddati buzilgan taqdirda hamda ularni to’lash to’g’risidagi talabnomani bajarish 
muddati o’tganidan keyin ushbu Kodeksning 15-bobida nazarda tutilgan tartibda va 
muddatlarda undiriladi.