O’zbekiston respublikasining soliq kodeksi I bo’lim. Umumiy qoidalar

101-modda. Soliqni to’lash muddatini o’zgartirishni istisno
etadigan holatlar 
 
Soliqni to’lash muddati, agar manfaatdor shaxsga nisbatan quyidagi shartlardan 
loaqal bittasi bajarilayotgan bo’lsa, o’zgartirilishi mumkin emas: 
1) soliq to’g’risidagi qonun hujjatlarining buzilishi bilan bog’liq jinoyat 
alomatlariga doir jinoyat ishi qo’zg’atilgan bo’lsa, agar ushbu moddaning ikkinchi 
qismida boshqacha qoida nazarda tutilmagan bo’lsa; 
2) ushbu shaxs bunday o’zgartirishdan soliq solinishi lozim bo’lgan o’z pul 
mablag’larini yoki boshqa mol-mulkini yashirishi uchun foydalanadi deb yoxud 
ushbu shaxs doimiy yashash uchun O’zbekiston Respublikasidan tashqariga chiqib 
ketishni ko’zlamoqda deb taxmin qilish uchun etarlicha asoslar mavjud bo’lsa; 
3) ushbu shaxs soliqni to’lash muddatini o’zgartirish to’g’risida ariza bergan 
kundan oldingi uch yil mobaynida ushbu Kodeksning 102-moddasida ko’rsatilgan 
organ tomonidan soliqni to’lash muddatining tegishli o’zgartirilishi shartlari 
buzilganligi munosabati bilan ilgari berilgan kechiktirish yoki bo’lib-bo’lib 
to’lashning amal qilishini tugatish to’g’risida qaror chiqarilgan bo’lsa. 
4) bankrotlik to’g’risida ish qo’zg’atilgan bo’lsa; 
Ushbu modda birinchi qismining 1-bandida ko’rsatilgan shartlar ushbu Kodeks 
103-moddasining to’rtinchi qismida nazarda tutilgan hollarga nisbatan tatbiq 
etilmaydi. 
Moliya-xo’jalik faoliyatini amalga oshirmayotgan va (yoki) belgilangan 
muddatlarda soliq hisobotini taqdim etmagan korxonalar uchun soliqni to’lash 
muddatini o’zgartirish mumkin emas. 
5) qonun hujjatlarida belgilangan tartibda soliq hisoboti va moliyaviy hisobotni 
taqdim etmagan korxonalar.
Ushbu moddaning birinchi qismida ko’rsatilgan holatlar mavjud bo’lgan 
taqdirda soliqni to’lash muddatini o’zgartirish to’g’risida qaror qabul qilinish 
mumkin emas, qabul qilingan qaror esa bekor qilinishi lozim. 
Qabul qilingan qaror bekor qilingani to’g’risida manfaatdor shaxs va ushbu 
shaxs hisobga olingan joydagi soliq organi uch kunlik muddatda yozma ravishda 
xabardor qilinadi. 
Manfaatdor shaxs bunday qaror ustidan ushbu Kodeksda belgilangan tartibda 
shikoyat qilishga haqli. 
Soliq to’lovchilarning konsolidatsiyalashgan guruhi bo’yicha foyda solig’iga 
nisbatan soliqni to’lash muddatini o’zgartirish amalga oshirilmaydi.