|
XV BO’LIM. ER SOLIG’I
61 - BOB. Yuridik shaxslardan olinadigan er solig’i
436 - modda. Umumiy qoidalar
Er uchastkalaridan foydalanganlik uchun byudjetga to’lovlar er solig’i yoki er
uchun ijara haqi tariqasida amalga oshiriladi.
O’zbekiston Respublikasi Vazirlar Mahkamasi, Qoraqalpog’iston Respublikasi
Vazirlar Kengashi, mahalliy davlat hokimiyati organlari tomonidan ijaraga berilgan
er uchastkalari uchun to’lanadigan ijara haqi er solig’iga tenglashtiriladi. Er
uchastkalarini ijaraga olgan yuridik shaxslarga yuridik shaxslardan olinadigan er
solig’i stavkalari, yuridik shaxslardan olinadigan er solig’ini to’lovchilar uchun
belgilangan imtiyozlar, soliqni hisoblab chiqarish, soliq hisob - kitoblarini taqdim
etish va soliqni to’lash tartibi tatbiq etiladi.
Yuridik shaxslar mulk huquqi, egalik qilish huquqi, foydalanish huquqi yoki
ijara huquqi asosida foydalaniladigan er uchastkalari uchun er solig’i to’laydilar.
437 - modda. Soliq to’lovchilar
Mulk huquqi, egalik qilish huquqi, foydalanish huquqi yoki ijara huquqi
asosida er uchastkalariga ega bo’lgan yuridik shaxslar, shu jumladan O’zbekiston
Respublikasining norezidentlari er solig’ini to’lovchilaridir.
Ko’chmas mulk ijaraga berilgan taqdirda, er solig’ini ijaraga beruvchi to’laydi.
Ko’chmas mulk moliyaviy ijaraga (lizing) berilganida (olinganida) moliyaviy ijara
(lizing) shartnomasiga muvofiq er solig’i ijaraga oluvchi (lizingga oluvchi) shaxs
tomonidan to’lanadi.
Er uchastkasidan bir nechta yuridik shaxs birgalikda foydalangan taqdirda, har
bir yuridik shaxs er uchastkasining foydalanilayotgan maydonidagi o’z ulushi uchun
er solig’ini to’lovchidir.
438 - modda. Soliq solish ob’ekti
406
Mulk huquqi, egalik qilish huquqi, foydalanish huquqi yoki ijara huquqi
asosida yuridik shaxslarda bo’lgan er uchastkalari soliq solish ob’ektidir.
Quyidagilarga soliq solish ob’ekti sifatida qaralmaydi:
aholi punktlarining, bog’dorchilik, uzumchilik yoki polizchilik shirkatlarining
umumiy foydalanishdagi erlari (maydonlar, ko’chalar, tor ko’chalar, yo’llar,
pod’ezd yo’llari, sug’orish tarmoqlari, kollektorlar, sohil bo’yi erlari va boshqa shu
kabi umumiy foydalanishdagi erlar);
umumiy foydalanishdagi avtomobil yo’llari egallagan erlar;
aholining madaniy - maishiy ehtiyojlarini qondirish va dam olishi uchun
foydalaniladigan erlar (daraxtzorlar, bog’lar, sayilgohlar, xiyobonlar, dam olish
uylari, bolalar uchun sog’lomlashtirish lagerlari, aholining ommaviy dam olishi va
turizmini tashkil etish uchun belgilangan joylar hamda ariq tarmoqlari egallangan
erlar);
davlat qo’riqxonalarining, kompleks (landshaft) buyurtma qo’riqxonalarining,
tabiat bog’larining, davlat tabiat yodgorliklarining, buyurtma qo’riqxonalarning
(ovchilik xo’jaliklarida tashkil etiladigan buyurtma qo’riqxonalar bundan
mustasno), tabiiy pitomniklarning, davlat biosfera rezervatlarining, milliy
bog’larning erlari;
sog’lomlashtirish ahamiyatiga molik erlar (xo’jalik faoliyati yuritilayotgan
erlar bundan mustasno) - tegishli muassasalar va tashkilotlarga belgilangan tartibda
doimiy foydalanishga berilgan, profilaktika va davolash ishlarini tashkil etish uchun
qulay tabiiy shifobaxsh omillarga ega bo’lgan er uchastkalari;
rekreatsiya ahamiyatiga molik erlar (xo’jalik faoliyati yuritilayotgan erlar
bundan mustasno) - aholining ommaviy dam olishi va turizmini tashkil etish uchun
tegishli muassasalar hamda tashkilotlarga berilgan erlar;
tarixiy - madaniy ahamiyatga molik erlar (xo’jalik faoliyati yuritilayotgan erlar
bundan mustasno) - tegishli muassasalar va tashkilotlarga doimiy foydalanishga
berilgan moddiy madaniy meros ob’ektlari, xotira bog’lari egallagan erlar;
gidrometeorologiya va gidrogeologiya stantsiyalari hamda postlari egallagan
erlar;
yuridik shaxs balansida bo’lgan va xo’jalik faoliyatida foydalanilmaydigan
fuqaro muhofazasi hamda safarbarlik ahamiyatiga molik alohida joylashgan
ob’ektlar egallagan erlar;
kommunal - maishiy ahamiyatga molik erlar (dafn etish joylari, maishiy
chiqindilarni yig’ish, qaytadan ortish va saralash joylari, shuningdek chiqindilarni
zararsizlantirish hamda utilizatsiya qilish joylari va boshqa shu kabi joylar);
yuridik shaxs balansida bo’lgan va xo’jalik faoliyatida foydalanilmaydigan
fuqaro muhofazasi hamda safarbarlik ahamiyatiga molik alohida joylashgan
ob’ektlar egallagan erlar;
o’rmon fondi;
suv fondi;
zaxiralar;
407
Agar ushbu moddaning ikkinchi qismida qayd etilgan er maydonlari yuridik
shaxslar tomonidan xo’jalik faoliyatida foydalanilsa, mazkur er maydonlari ushbu
bobda belgilangan tartibda soliq solish ob’ekti hisoblanadi.
Do'stlaringiz bilan baham: |
