O’zbekiston respublikasining soliq kodeksi I bo’lim. Umumiy qoidalar

 
411-modda. Rezidentlar tomonidan O’zbekiston Respublikasi hududidan 
tashqarida to’langan soliqni hisobga o’tkazish 
O’zbekiston Respublikasidan tashqarida to’langan, jismoniy shaxslar bo’lgan 
O’zbekiston Respublikasining rezidentlaridan olinadigan daromad solig’i 
summalari O’zbekiston Respublikasida soliq to’lashda ushbu Kodeksning 
354-
moddasida
nazarda tutilgan tartibda hisobga olinadi. 
Soliqni hisobga o’tkazish soliq davri yakuni bo’yicha jismoniy shaxslar 
tomonidan taqdim etilgan soliq deklaratsiyasi asosida amalga oshiriladi 
412-modda. Norezidentlarga soliq solishning xususiyatlari 
 
Norezidentlarning O’zbekiston Respublikasidagi manbalardan olingan 
daromadlariga ushbu bo’limda nazarda tutilgan chegirmalarni qo’llamagan holda 
to’lov mobaynida soliq solinadi. 
Norezidentlarning daromadlariga O’zbekiston Respublikasining xalqaro 
shartnomalarini hisobga olgan holda soliq solinadi, bundan soliqlarni undirish 

---

391 
o’zarolik printsipi bo’yicha tugatilishi yoki cheklanishi mumkin bo’lgan hollar 
mustasno. 
Norezidentga daromadlarni to’lash to’lov manbaida soliqdan ushlab qolmasdan 
yoki ushbu Kodeksning 
7-moddasiga
muvofiq, ikkiyoqlama soliq solishga yo’l 
qo’ymaslik masalalarini tartibga soluvchi O’zbekiston Respublikasining xalqaro 
shartnomasi qoidalariga va xalqaro shartnomalar bo’yicha soliqlarni to’lashdan 
bo’yin tovlashning oldini olish yuzasidan maxsus qoidalarga muvofiq pasaytirilgan 
stavkani qo’llagan holda amalga oshiriladi. 
Soliq summasi ushlab qolinmagan yoki O’zbekiston Respublikasi xalqaro 
shartnomalari qoidalarining g’ayriqonuniy tarzda qo’llanilishi mazkur soliq ushlab 
qolinmasligiga yoki to’liq ushlab qolinmasligiga sabab bo’lgan taqdirda, 
Kodeksning ushbu bo’limiga muvofiq soliq agenti sifatida tan olingan shaxslar 
tomonidan ushlab qolinmagan soliq summasini va u bilan bog’liq penya summasini 
qonun hujjatlariga muvofiq byudjetga kiritishi shart. 
Ushbu Kodeks qoidalariga muvofiq soliq agenti tomonidan norezidentning 
daromadlaridan hisoblab chiqarilgan soliq summasi soliq agenti majburiyatini 
saqlab qolmagan holda o’z mablag’lari hisobidan to’lov manbaida ushlangan va 
ko’chirib berilganda bajarilgan hisoblanadi.