O’zbekiston respublikasining soliq kodeksi I bo’lim. Umumiy qoidalar

28-modda. Soliq organlarining majburiyatlari 
 
Soliq organlari: 
1) soliq to’g’risidagi qonun hujjatlariga rioya etishi; 
2) soliq to’g’risidagi qonun hujjatlariga rioya etilishi, soliqlar va yig’imlar 
to’g’ri hisoblab chiqarilishi, to’liq va o’z vaqtida to’lanishi ustidan nazoratni amalga 
oshirishi, mazkur Kodeks va boshqa qonun hujjatlarining talablariga rioya etishi; 
3) soliq to’lovchilarning, soliq solish ob’ektlari va soliq solish bilan bog’liq 
bo’lgan ob’ektlarning, hisoblangan va to’langan soliqlarning to’liq va o’z vaqtida 
hisobga olinishini ta’minlashi; 

---

18 
4) soliq tekshiruvlarini o’tkazishda soliq to’lovchilarga ularning huquq va 
majburiyatlari to’g’risida ma’lum qilishi, shuningdek, o’tkazilgan tekshirishlar 
natijalari to’g’risida axborot berishi; 
5) soliq to’g’risidagi qonun hujjatlarini soliq to’lovchilarga o’z vaqtida 
etkazishi; 
6) soliq to’g’risidagi qonun hujjatlarining ijrosi bo’yicha soliq to’lovchilarga 
ko’maklashishi, soliq to’g’risidagi qonun hujjatlari normalari va soliq imtiyozlarini 
qo’llash tartibini tushuntirishi; 
7) soliq to’g’risidagi qonun hujjatlari buzilishi faktlarini tahlil qilishi va 
baholashi hamda soliqqa oid huquqbuzarliklarni keltirib chiqaradigan sabablar va 
sharoitlarni bartaraf etish to’g’risida tegishli organlarga takliflar kiritishi;
8) huquqni muhofaza qiluvchi organlar bilan hamkorlikda soliqqa oid 
huquqbuzarliklarga qarshi kurashishning uzoq muddatli va joriy dasturlarini ishlab 
chiqishi va amalga oshirishi; 
9) soliq to’g’risidagi qonun hujjatlarining buzilishi to’g’risidagi arizalar, 
xabarlar va boshqa axborotni tekshirishi; 
10) davlat daromadiga o’tkazilgan mol-mulkni realizatsiya qilishdan pul 
mablag’larining to’liq va o’z vaqtida tushushi ustidan nazorat qilishi; 
11) masalani hal etish soliq organlarining vakolati doirasidan chiqqan hollarda, 
soliq to’g’risidagi qonun hujjatlari buzilganligi faktlariga doir materiallarni huquqni 
muhofaza qiluvchi organlarga topshirishi; 
12) valyuta va eksport-import operatsiyalarini amalga oshirishning belgilangan 
tartibiga rioya etilishi ustidan o’z vakolati doirasida nazorat olib borishi; 
13) soliq to’lovchi to’g’risidagi ma’lumotlar qonun hujjatlariga muvofiq sir 
tutilishiga rioya etishi; 
14) soliq to’lovchining talabiga binoan soliqlarni to’lash bo’yicha soliq 
majburiyatlarining ijro etilishiga doir solishtirma dalolatnoma tuzishi; 
15) mazkur Kodeksga muvofiq soliq qarzi summalarini so’zsiz tartibda 
undirishi; 
16) 
yuridik 
va 
jismoniy 
shaxslarni, 
shu 
jumladan 
O’zbekiston 
Respublikasining norezidentlarini hisobga qo’yishi, ularga soliq to’lovchining 
identifikatsiya raqamini (STIR) berishi hamda bu raqamni statistika va ro’yxatdan 
o’tkazuvchi organlarga rasman ma’lum qilishi; 
17) soliq to’lovchining talabi bo’yicha mazkur soliq to’lovchining hisobga 
qo’yilganligini tasdiqlovchi ma’lumotnomani berishi shart. 
Soliq organlarining zimmasida ushbu Kodeksda va boshqa qonun hujjatlarida 
nazarda tutilgan boshqa majburiyatlar ham bo’ladi. 
Soliq tekshiruvini amalga oshirish chog’ida soliq qarziga olib kelgan, miqdori 
soliq to’g’risidagi qonun hujjatlarini jinoyat alomatlarini o’z ichiga olgan tarzda 
buzishni sodir etish faktini taxmin qilish imkonini bergan soliqqa oid huquqbuzarlik 
aniqlangan taqdirda, soliq organlari soliq qarzini to’lash to’g’risidagi talabning 
bajarilmaganligi (qisman bajarilganligi) fakti aniqlagan kundan e’tiboran besh kun 
ichida tegishli materiallarni soliqqa oid jinoyatlar to’g’risidagi jinoyat ishlari 
bo’yicha dastlabki tergovni amalga oshirishga vakolatli organlarga yuborishi shart. 

---

19