O’zbekiston respublikasining soliq kodeksi I bo’lim. Umumiy qoidalar

 
147-modda. Mansabdor shaxslarning soliq to’lovchining
hududiga kirishi 
 
Bevosita soliq tekshiruvini o’tkazuvchi soliq organlari mansabdor 
shaxslarining tekshirilayotgan shaxsning hududiga yoki binosiga kirishi ushbu 
mansabdor shaxslar tomonidan xizmat guvohnomalari va soliq organi rahbarining 
(uning o’rinbosarining) ushbu shaxsning sayyor soliq tekshiruvini o’tkazish 
to’g’risidagi qarori taqdim etilgan taqdirda amalga oshiriladi. 
Bunday kirish xizmat guvohnomalari va soliq organi rahbarining (uning 
o’rinbosarining) ushbu Kodeksning 143-moddasida nazarda tutilgan hollarda 
qo’shilgan qiymat solig’i bo’yicha soliq hisobotining kameral soliq tekshiruvini 
o’tkazish chog’ida o’tkazish zarurati yuzaga kelgan ko’zdan kechirish o’tkazilishi 
to’g’risidagi qarori taqdim etilganda ham amalga oshiriladi. 

---

147 
Soliq organlarining bevosita soliq tekshiruvini o’tkazuvchi mansabdor 
shaxslari ko’rsatilgan ob’ektlar to’g’risidagi aniq ma’lumotlarning tekshirilayotgan 
shaxs tomonidan taqdim etilgan hujjatlarga asoslangan ma’lumotlarga muvofiqligini 
aniqlash uchun tadbirkorlik faoliyatini amalga oshirish uchun tekshirilayotgan 
shaxsning foydalaniladigan hududlarini yoki binolarini ko’zdan kechirishni yoxud 
soliqqa solish ob’ektlarini ko’zdan kechirishni o’tkazishi mumkin. 
Soliq organlarining soliq tekshiruvini o’tkazuvchi mansabdor shaxslariga 
mazkur hududlarga yoki binolarga (bundan turar-joy binolari mustasno) kirishiga 
to’sqinlik qilingan taqdirda soliq organining mansabdor shaxsi tomonidan o’zi va 
tekshiriladigan shaxs tomonidan imzolanadigan dalolatnoma tuziladi. 
Bunday dalolatnoma asosida soliq organi o’zida tekshirilayotgan shaxs 
to’g’risida mavjud bo’lgan ma’lumotlar yoki xuddi shunday soliq to’lovchilar 
to’g’risidagi ma’lumotlar asosida to’lanishi lozim bo’lgan soliq summasini mustaqil 
tarzda aniqlashga haqli.
Tekshirilayotgan shaxs mazkur dalolatnomani imzolashdan bosh tortgan 
taqdirda unga tegishli yozuv kiritiladi. 
Soliq organlarining soliq tekshiruvini o’tkazuvchi mansabdor shaxslarining 
turar-joy binolariga ularda yashovchi jismoniy shaxslarning xohishlariga yoki 
qarshiliklariga qaramay kirishiga qonunda yoki sudning qarori asosida belgilangan 
hollardan boshqacha yo’l qo’yilmaydi.