O’zbekiston respublikasining soliq kodeksi I bo’lim. Umumiy qoidalar

108-modda. Ortiqcha undirilgan soliqni hisobga olish 
yoki qaytarish
 
Ortiqcha undirilgan soliq summalarini hisobga olish yoki qaytarish to’g’risida 
soliq organiga ariza soliq to’lovchi tomonidan o’zidan soliq ortiqcha undirilgani 
fakti o’ziga ma’lum bo’lib qolgan kundan yoki sud qarori kuchga kirgan kundan 
e’tiboran bir kun ichida berilishi mumkin. 
Da’vo arizasi sudga soliq to’lovchi tomonidan u o’zidan soliq ortiqcha 
undirilgani fakti haqida bilgan yoki bilishi lozim bo’lgan kundan e’tiboran besh yil 
ichida berilishi mumkin. 
Agar soliq ortiqcha undirilgani fakti aniqlangan bo’lsa, soliq organi ortiqcha 
undirilgan soliq summasini, shuningdek ushbu moddaning to’qqizinchi qismida 

---

107 
nazarda tutilgan tartibda ortiqcha undirilgan summaga hisoblangan foizlarni hisobga 
olish (qaytarish) to’g’risida qaror qabul qiladi. 
Soliq organi soliq ortiqcha undirilgani faktini mustaqil ravishda aniqlagach, bu 
haqda ushbu fakt aniqlangan kundan e’tiboran besh kun ichida soliq to’lovchiga 
xabar qilishi shart. Mazkur xabar yuridik shaxsning rahbariga, jismoniy shaxsga, 
ularning vakillariga shaxsan imzo qo’ydirib yoki uning olingani faktini va sanasini 
tasdiqlovchi boshqa usulda topshiriladi. 
Ortiqcha undirilgan soliq summasini soliq to’lovchining soliq qarzini uzish 
hisobiga yoki o’sha yoxud ushbu Kodeks 106-moddasining ikkinchi – to’rtinchi 
qismlarida nazarda tutilgan boshqa soliqlar bo’yicha kelgusi to’lovlar hisobiga 
hisobga olish soliq organlari tomonidan ushbu Kodeks 107-moddasining birinchi – 
beshinchi qismlarida ortiqcha to’langan soliq summasini hisobga olish uchun 
belgilangan tartibga o’xshash tartibda amalga oshiriladi. 
Ortiqcha undirilgan soliq summasi ushbu Kodeksning 106-moddasi qoidalarini 
inobatga 
olgan 
holda 
soliq 
to’lovchiga o’zining yozma arizasiga 
(telekommunikatsiya aloqa kanallari yoki soliq to’lovchining shaxsiy kabineti orqali 
elektron shakldagi arizasiga) ko’ra soliq organi tomonidan shunday ariza olingan 
kundan e’tiboran 15 kun ichida qaytarilishi lozim. 
Ortiqcha 
undirilgan 
soliqni 
qaytarish 
tartibi 
ushbu 
Kodeks
107-moddasining beshinchi – o’n ikkinchi qismlarida ortiqcha to’langan soliq 
summalari qaytarish uchun nazarda tutilgan tartibga o’xshashdir. 
Ortiqcha undirilgan soliq summasi unga hisoblangan foizlar bilan soliq 
to’lovchidan ortiqcha undirilgan soliq summasini hisobga olish (qaytarish) 
to’g’risida yozma ariza (telekommunikatsiya aloqa kanallari yoki soliq 
to’lovchining shaxsiy kabineti orqali elektron shakldagi ariza) olingan kundan 
e’tiboran o’n besh kun ichida hisobga olinishi (qaytarilishi) lozim. 
Ortiqcha undirilgan soliq summasiga foizlar undirilgan kundan keyingi kundan 
e’tiboran haqiqiy hisobga olingan (qaytarilgan) kunga qadar hisoblanadi. Foiz 
stavkasi O’zbekiston Respublikasi Markaziy bankining shu kunlardagi amal 
qilayotgan qayta moliyalash stavkasiga teng etib qabul qilinadi. 
Soliq to’lovchilarning konsolidatsiyalashgan guruhi bo’yicha ortiqcha 
undirilgan foyda solig’i summalari shu konsolidatsiyalashgan guruhning mas’ul 
ishtirokchisiga ushbu moddada belgilangan tartibda hisobga olinishi (qaytarilishi) 
lozim. 
Soliq to’lovchilarning konsolidatsiyalashgan guruhini tuzish to’g’risidagi 
shartnomaning amal qilishi tugatilgan taqdirda ushbu guruh bo’yicha mavjud 
bo’lgan boqimanda hisobiga hisobga olinishi lozim bo’lmagan (hisobga olinmagan) 
soliq to’lovchilarning konsolidatsiyalashgan guruhi bo’yicha foyda solig’ining 
ortiqcha undirilgan summalari soliq to’lovchilar shu konsolidatsiyalashgan 
guruhining mas’ul ishtirokchisi bo’lgan yuridik shaxsga uning arizasiga ko’ra 
hisobga olinishi (qaytarilishi) lozim.