O’zbekiston respublikasining soliq kodeksi I bo’lim. Umumiy qoidalar

6-bob. Soliqlarning elementlari 
 
72-modda. Soliqlarning elementlari 
 
Soliq to’g’risidagi qonun hujjatlarida soliq to’lovchilar va ushbu soliqning 
barcha elementlari belgilab qo’yilgan bo’lsagina, soliq qonuniy belgilangan deb 
e’tirof etiladi. 
Bunday soliq elementlariga quyidagilar kiradi: 
1) soliq solish ob’ekti; 
2) soliq bazasi; 
3) soliq stavkasi; 
4) soliqni hisoblab chiqarish tartibi; 
5) soliq davri; 
6) soliq hisobotini taqdim etish muddatlari va tartibi; 
7) soliqni to’lash muddatlari va tartibi. 

---

74 
Ushbu moddaning birinchi qismida ko’rsatilgan soliq elementlaridan tashqari 
uni belgilashda soliq imtiyozlari va ularning qo’llanishi uchun asoslar nazarda 
tutilishi mumkin.
73-modda. Soliq solish ob’ekti 
 
Soliq solish ob’ekti mol-mulk, harakat, harakat natijasi yoki qiymatga oid, 
miqdoriy yoki fizik xususiyatga ega boshqa holat bo’lib, u mavjud bo’lgan taqdirda, 
soliq to’g’risidagi qonun hujjatlari soliq to’lovchida soliq majburiyati kelib 
chiqishini taqozo etadi. 
Har bir soliq ushbu Kodeksning Maxsus qismiga muvofiq belgilanadigan 
mustaqil soliq solish ob’ektiga ega bo’ladi.
74-modda. Soliq bazasi 
 
Soliq bazasi soliq solish ob’ektining qiymat, fizik yoki boshqa xususiyatlarini 
ifodalaydi. 
Har bir soliq uchun uning soliq bazasi va uni aniqlash tartibi ushbu Kodeks 
bilan belgilanadi. 
75-modda. Soliq stavkasi 
 
Soliq stavkasi soliq bazasining o’lchov birligiga nisbatan hisoblanadigan 
soliqning foizlardagi va mutlaq summadagi miqdorni ifodalaydi.
Soliq stavkalari, agar ushbu moddaning uchinchi qismida boshqacha qoida 
nazarda tutilmagan bo’lsa, ushbu Kodeks bilan belgilanadi. 
Aktsiz solig’i, er solig’i, suv resurslaridan foydalanganlik uchun soliq va 
jismoniy shaxslardan olinadigan daromad solig’i stavkalari qat’iy belgilangan 
summada O’zbekiston Respublikasining Davlat byudjeti to’g’risidagi O’zbekiston 
Respublikasi Qonuni bilan belgilanadi.