O’zbekiston respublikasining soliq kodeksi I bo’lim. Umumiy qoidalar

60 - BOB. Jismoniy shaxslarning mol - mulkiga solinadigan soliq 
 
430 - modda. Soliq to’lovchilar 
 
Mulkida soliq solinadigan mol - mulki bo’lgan jismoniy shaxslar, shu jumladan 
chet el fuqarolari, agar O’zbekiston Respublikasining xalqaro shartnomalarida 
boshqacha qoida nazarda tutilmagan bo’lsa, shuningdek ushbu Kodeks 431 modda 
birinchi qismiga muvofiq egaligida soliq solish ob’ekti bo’lgan dehqon xo’jaliklari 
jismoniy shaxslarning mol - mulkiga solinadigan soliq to’lovchilaridir. 
Agar ko’chmas mulk mulkdorining joylashgan erini aniqlash imkoni bo’lmasa, 
shuningdek ko’chmas mulk mulkdori vafot etgan taqdirda, bu mol - mulk qaysi 
shaxsning egaligida va (yoki) foydalanishida bo’lsa, o’sha shaxs soliq to’lovchidir. 
431 - modda. Soliq solish ob’ekti
Soliq solish ob’ekti quyidagilar hisoblanadi: 
uy joylar, kvartiralar, dala hovli imoratlari 
foyda olish maqsadida va (yoki) tadbirkorlik faoliyatiga mo’ljallangan noturar 
ko’chmas mulk ob’ektlari; 
belgilangan tartibda kimoshdi savdolariga qo’yiladigan tugallanmagan qurilish 
ob’ektlari; 
2 yildan ortiq davrdan oshiq bo’lgan tugallanmagan qurilish ob’ektlari; 
O’zbekiston Respublikasi hududida joylashgan boshqa qurilmalar, joylar, 
inshootlar. 
Quyidagilar soliq solish ob’ekti hisoblanmaydi: 
belgilangan tartibda nobop deb topilgan mol - mulk; 

---

401 
loyiha - smeta hujjatlarida belgilangan normativ muddatda qurilish jarayonida 
bo’lgan noturar ko’chmas mulk ob’ektlari, qurilishning belgilangan nomativ muddat 
bo’lmagan taqdirda – ushbu ob’ekt qurilishiga vakolatli organning ruxsati olingan 
oydan 24 oy ichida. Bunda tugallanmagan qurilish ob’ektlari bo’yicha normativ 
muddat uni olingan oydan boshlab o’n ikki oy muddat ichida o’rnatiladi. 
432 - modda. Soliq solinadigan baza 
 
Ko’chmas mulkka bo’lgan huquqlarni davlat ro’yxatidan o’tkazuvchi organ 
tomonidan belgilanadigan soliq solish ob’ektlarining kadastr qiymati to’lovchilar 
uchun soliq solinadigan bazadir.
Jismoniy shaxslarning mol - mulkini baholash bo’yicha vakolatli organ 
tomonidan aniqlangan soliq solish ob’ektining bahosi mavjud bo’lmagan taqdirda, 
hamda tugallanmagan qurilish ko’chmas mulk ob’ekti bo’yicha mol - mulkning 
qonun hujjatlari bilan belgilanadigan shartli qiymati soliq solinadigan bazadir. 
Bitta jismoniy shaxs bir nechta soliq solish ob’ekti bo’yicha to’lovchi bo’lgan 
taqdirda, soliq solinadigan baza har bir ob’ekt bo’yicha alohida - alohida hisoblab 
chiqiladi.