O’zbekiston respublikasining soliq kodeksi I bo’lim. Umumiy qoidalar

X BO’LIM. AKTsIZ SOLIG’I 
 
40-bob. Soliq to’lovchilar va soliq solish ob’ekti 
 
295-modda. Soliq to’lovchilar 
Aktsiz solig’ini to’lovchilar (bundan buyon matnda soliq to’lovchilar deb 
yuritiladi) deb quyidagi shaxslar e’tirof etiladi: 
1) O’zbekiston Respublikasi hududida aktsiz solig’i solinadigan tovarlarni 
(aktsiz to’lanadigan tovarlarni) ishlab chiqaruvchilar; 
2) tabiiy gazni iste’molchilarga realizatsiya qilishni amalga oshiruvchilar;
3) benzin, dizel yoqilg’isini yakuniy iste’molchilarga realizatsiya qilishni, shu 
jumladan avtomobillarga yoqilg’i quyish shoxobchalari orqali, shuningdek gazni 
avtomobillarga yoqilg’i quyish shoxobchalari orqali realizatsiya qilishni amalga 
oshiruvchilar. Ushbu bo’limni qo’llash maqsadida yakuniy iste’molchilar deganda 
o’z ehtiyojlari uchun benzin, dizel yoqilg’isi hamda gaz oluvchi yuridik va jismoniy 
shaxslar tushuniladi;
4) oddiy shirkatning ishtirokchisi bo’lgan, zimmasiga oddiy shirkat 
shartnomasi doirasida amalga oshiriladigan aktsiz to’lanadigan tovarni ishlab 
chiqarish bilan bog’liq bo’lgan faoliyat bo’yicha oddiy shirkat ishlarini yuritish 
vazifasi yuklatilgan ishonchli shaxs;

---

282 
5) O’zbekiston Respublikasining bojxona hududiga aktsiz to’lanadigan 
tovarlarni olib kiruvchilar. O’zbekiston Respublikasining bojxona to’g’risidagi 
qonun hujjatlariga muvofiq mazkur shaxslar soliq to’lovchilar deb e’tirof etiladi. 
Quyidagilar ham soliq to’lovchilar deb e’tirof etiladi: 
1) telekommunikatsiya mobil aloqa xizmatlarini (aktsiz to’lanadigan 
xizmatlarni) ko’rsatadigan O’zbekiston Respublikasining soliq rezidentlari bo’lgan 
yuridik shaxslar;
2) faoliyatni O’zbekiston Respublikasi hududidagi doimiy muassasa orqali 
amalga oshiradigan, aktsiz solig’i solinadigan tovarlarni ishlab chiqaruvchi yoki 
shunday tovarlarni olib kirishni amalga oshiruvchi norezidentlar.