O’zbekiston respublikasining soliq kodeksi I bo’lim. Umumiy qoidalar

291-modda. Elektron xizmatlar ko’rsatuvchi chet ellik
yuridik shaxslarni hisobga qo’yish va hisobdan 
chiqarish tartibi
Jismoniy shaxslarga ushbu Kodeksning 294-moddasida ko’rsatilgan, 
realizatsiya qilish joyi O’zbekiston Respublikasi deb e’tirof etiladigan elektron 
shakldagi xizmatlarni ko’rsatadigan va bevosita mazkur yuridik shaxslar bilan 
hisob-kitoblarni amalga oshiradigan chet ellik yuridik shaxsni soliq organida 
hisobga qo’yish (hisobdan chiqarish) hisobga qo’yish to’g’risidagi ariza va ro’yxati 
O’zbekiston Respublikasi Davlat soliq qo’mitasi tomonidan tasdiqlanadigan boshqa 
hujjatlar bo’yicha, hisobga qo’yish (hisobdan chiqarish) soliq organi tomonidan 
amalga oshiriladi. Soliq agenti deb e’tirof etiladigan chet ellik yuridik shaxs bo’lgan 
vositachini soliq organida hisobga qo’yish (hisobdan chiqarish) shunga o’xshash 
tartibda amalga oshiriladi. 
Hisobga qo’yish (hisobdan chiqarish) to’g’risidagi ariza chet el tashkilotlari 
tomonidan soliq organiga elektron shakldagi xizmatlarni ko’rsatish boshlangan 
(tugatilgan) kundan e’tiboran o’ttiz kalendar kundan kechiktirmay beriladi. 
292-modda. Soliq solish ob’ekti va soliq bazasi.
Chet ellik yuridik shaxslar tomonidan
soliqni hisoblab chiqarish 

---

279 
Jismoniy shaxslarga elektron shakldagi xizmatlarni realizatsiya qilishga doir 
aylanma soliq solish ob’ekti deb e’tirof etiladi. 
Chet ellik yuridik shaxslar tomonidan jismoniy shaxslarga ushbu Kodeksning 
294-moddasida ko’rsatilgan, realizatsiya qilish joyi O’zbekiston Respublikasi deb 
e’tirof etiladigan elektron shakldagi xizmatlar ko’rsatilganda soliq bazasi ushbu 
xizmatlarni realizatsiya qilishning haqiqiy narxlaridan kelib chiqib hisoblab 
chiqarilgan soliq summasi hisobga olingan holda mazkur xizmatlarning qiymati 
sifatida aniqlanadi.
Chet ellik yuridik shaxslar tomonidan jismoniy shaxslarga ushbu Kodeksning 
294-moddasida ko’rsatilgan, O’zbekiston Respublikasining hududi realizatsiya 
qilish joyi deb e’tirof etilgan elektron shakldagi xizmatlar ko’rsatilganda har bir 
soliq davri bo’yicha soliq bazasi ko’rsatilgan xizmatlarning haqi (qisman to’langan 
haq) kelib tushgan vaqtdan kelib chiqqan holda aniqlanadi. 
Ushbu moddaga muvofiq soliq bazasini aniqlashda elektron shaklda 
ko’rsatiladigan xizmatlarning chet el valyutasida ifodalangan qiymati O’zbekiston 
Respublikasi Markaziy bankining ko’rsatilgan xizmatlar haqini to’lash (haqini 
qisman to’lash) amalga oshirilgan soliq davrining oxirgi kunida belgilangan kursi 
bo’yicha O’zbekiston Respublikasining milliy valyutasida qayta hisoblab 
chiqariladi. 
Chet ellik yuridik shaxslar soliqni hisoblab chiqarishni va to’lashni, agar 
bunday xizmatlarni realizatsiya qilishga doir operatsiyalarga nisbatan soliq to’lash 
bo’yicha majburiyat ushbu moddaga muvofiq soliq agentining zimmasiga 
yuklatilgan bo’lsa, mustaqil ravishda amalga oshiradi.