O’zbekiston respublikasining soliq kodeksi I bo’lim. Umumiy qoidalar

120-modda. Soliq qarzini uzish to’g’risidagi 
talabnomani yuborish tartibi va muddatlari 
 
Soliq qarzini uzish to’g’risidagi talabnoma soliq to’lovchiga u hisobda turgan 
soliq organi tomonidan yuboriladi. Xuddi shunday tartibda soliq to’lovchilarning 
konsolidatsiyalashgan guruhi bo’yicha foyda solig’iga doir soliq qarzini uzish 
to’g’risidagi talabnoma ushbu soliq to’lovchilar konsolidatsiyalashgan guruhining 
mas’ul ishtirokchisiga yuboriladi.
Soliq qarzini uzish to’g’risidagi talabnoma soliq to’lovchiga (uning qonuniy 
yoki vakolatli vakiliga) shaxsan imzo qo’ydirib topshirilishi, pochta orqali buyurtma 
xat qilib yuborilishi, telekommunikatsiya aloqa kanallari yoki soliq to’lovchining 
shaxsiy kabineti orqali elektron shaklda uzatilishi mumkin. 
Talabnoma pochta orqali buyurtma xat qilib yuborilgan taqdirda, u buyurtma 
xat yuborilgan sanadan e’tiboran besh kun o’tgach olingan deb hisoblanadi. 
Soliq 
to’lovchiga soliq qarzini uzish to’g’risidagi talabnomani 
telekommunikatsiya aloqa kanallari orqali elektron shaklda yuborish o’lchamlari va 
tartibi O’zbekiston Respublikasi Davlat soliq qo’mitasi tomonidan belgilanadi. 
Soliq qarzini uzish to’g’risidagi talabnoma soliq to’lovchiga ushbu qarz 
aniqlangan kundan e’tiboran yoki soliq tekshiruvi natijalari bo’yicha aniqlangan 

---

120 
soliq qarzini uzish to’g’risidagi qaror kuchga kirgan sanadan e’tiboran uch kundan 
kechiktirmay yuborilishi kerak. 
Soliq 
qarzini 
uzish 
to’g’risidagi 
talabnomalar, 
ushbu 
Kodeks
119-moddasining ettinchi – sakkizinchi qismlarida nazarda tutilgan hollarda, boshqa 
shaxslarga ushbu moddaning birinchi – uchinchi qismlarida nazarda tutilgan tartibda 
yuboriladi. 
Soliq qarzini uzish to’g’risidagi talabnoma olingan sanadan e’tiboran 
ko’rsatilgan boshqa shaxslar ushbu talabnomani bajarish qismida soliq qarziga ega 
bo’lgan soliq to’lovchilarga tenglashtiriladi.