O’zbekiston respublikasining soliq kodeksi I bo’lim. Umumiy qoidalar

116-modda. 
Banklardagi 
hisobvaraqlar 
bo’yicha 
operatsiyalarni to’xtatib turish to’g’risidagi qarorlarning 
banklar tomonidan bajarilishi tartibi 
 
Soliq organining soliq to’lovchining bankdagi hisobvaraqlari bo’yicha 
operatsiyalarni to’xtatib turish to’g’risidagi qarori bank tomonidan so’zsiz 
bajarilishi lozim. 
Soliq organining qaroriga ko’ra soliq to’lovchi tomonidan uning bankdagi 
operatsiyalarini to’xtatib turish natijasida ko’rilgan zarar uchun bank javobgar 
bo’lmaydi. 
Bank soliq to’lovchining bankdagi operatsiyalar to’xtatib qo’yilgan 
hisobvaraqlaridagi pul mablag’lari qoldiqlari to’g’risidagi ma’lumotlarni soliq 
organiga, ushbu soliq organining tegishli qarori olingan kundan keyin uch kun ichida 
elektron shaklda xabar qilishi shart. 
Soliq to’lovchining bankdagi hisobvaraqlaridagi pul mablag’larining qoldiqlari 
to’g’risidagi ma’lumotlarni bank tomonidan xabar qilish tartibi O’zbekiston 
Respublikasi Davlat soliq qo’mitasi bilan kelishilgan holda O’zbekiston 
Respublikasi Markaziy banki tomonidan tasdiqlanadi. 
Soliq to’lovchining bankdagi hisobvaraqlari bo’yicha operatsiyalarini to’xtatib 
turish bank tomonidan soliq organining bunday operatsiyalarni to’xtatib turish 
to’g’risidagi qarori olingan paytdan e’tiboran to bank tomonidan soliq organining 
mazkur to’xtatib turishni bekor qilish to’g’risidagi qarori olingunga qadar amal 
qiladi. 

---

116 
Soliq to’lovchining bankdagi hisobvaraqlari bo’yicha operatsiyalarni to’xtatib 
turish to’g’risidagi qaror bankka elektron shaklda yuborilganda bank tomonidan 
ushbu qaror olingan sana va vaqt O’zbekiston Respublikasi Davlat soliq qo’mitasi 
bilan kelishilgan holda O’zbekiston Respublikasi Markaziy banki belgilaydigan 
tartibda aniqlanadi. 
Agar soliq to’lovchining bankdagi hisobvaraqlari bo’yicha operatsiyalarni 
to’xtatib turish to’g’risida qaror qabul qilinganidan keyin soliq to’lovchining nomi 
va (yoki) uning bankdagi hisobvaraqlarining rekvizitlari o’zgargan bo’lsa, soliq 
organining ushbu qarori bo’yicha to’xtatib turilgan operatsiyalar mazkur qaror o’z 
nomini o’zgartirgan soliq to’lovchiga va o’zgartirilgan rekvizitlarga ega bo’lgan 
hisobvaraq bo’yicha operatsiyalarga nisbatan ham bank tomonidan bajarilishi lozim. 
Soliq to’lovchining banklardagi hisobvaraqlari bo’yicha operatsiyalarini 
to’xtatib turish to’g’risidagi qaror olingandan keyin banklar ushbu soliq to’lovchiga 
hisobvaraqlar, omonatlar, depozitlar ochishga haqli emas.