O’zbekiston respublikasining soliq kodeksi I bo’lim. Umumiy qoidalar

89-modda. Soliq majburiyatini bajarish tartibi 
 
Soliq majburiyati, agar ushbu Kodeksda boshqacha qoida nazarda tutilmagan 
bo’lsa, soliq to’lovchi tomonidan mustaqil ravishda bajariladi. 
Yakka tartibdagi tadbirkor hisoblanmaydigan jismoniy shaxsning soliq 
majburiyati o’zga jismoniy shaxs tomonidan bajarilishi mumkin. Bunda ushbu 
jismoniy shaxs tomonidan uning soliq majburiyati o’zga jismoniy shaxs tomonidan 
bajarilishi natijasida olingan moddiy naf soliq solish maqsadlarida shu jismoniy 
shaxsning daromadi deb e’tirof etilmaydi. O’zga shaxs o’zi tomonidan soliq 
to’lovchi uchun to’lagan soliqning byudjet tizimidan qaytarilishini talab qilishga 
haqli emas.
Soliq majburiyati soliq to’g’risidagi qonun hujjatlarida belgilangan muddatda 
bajarilishi kerak. 
Soliq majburiyatini bajarish muddatlari kalendar sana yoki vaqtincha o’tgan 
davri (yil, chorak, oy, dekada va kun) bilan belgilanadi. 
Muddatning o’tishi uning boshlanishi belgilangan kalendar sanadan yoki voqea 
yuz berganidan keyingi kunda boshlanadi. Soliq majburiyati uni bajarish 
muddatining oxirgi kuni soat yigirma to’rtga qadar bajarilishi kerak. 
Agar soliq majburiyatini bajarish muddatining oxirgi kuni dam olish 
(ishlanmaydigan) kuniga to’g’ri kelsa, undan keyingi birinchi ish kuni muddat 
tugaydigan kun hisoblanadi. 
Soliq to’lovchi soliq majburiyatini muddatidan oldin bajarishga haqli.
Soliq majburiyatini bajarish muddati ushbu Kodeksning 100 – 105-
moddalarida nazarda tutilgan tartibda o’zgartirilishi mumkin. 
Soliq to’lovchi tomonidan soliq majburiyatining bajarilmaganligi yoki lozim 
darajada bajarilmaganligi unga soliq organi tomonidan soliq qarzini to’lash 
to’g’risida talabnoma yuborish uchun asos bo’ladi.
Soliq to’lovchi tomonidan soliq majburiyatining bajarilmaganda yoki lozim 
darajada bajarilmaganda soliq organlari ushbu majburiyatning majburiy tartibda 
bajarilishi yuzasidan ushbu Kodeksning 15-bobida nazarda tutilgan choralarni 

---

85 
ko’rishi va (yoki) uning bajarilishini ta’minlashga doir ushbu Kodeksning 13-bobida 
nazarda tutilgan choralarni qo’llashi shart.