O’zbekiston respublikasining soliq kodeksi I bo’lim. Umumiy qoidalar

442 - modda. Soliq davri 
 
Kalendar yil soliq davridir. 
443 - modda. Soliqni hisoblab chiqarish va soliq hisob - kitoblarini taqdim 
etish tartibi
 
Er solig’i har bir soliq davrining 1 yanvariga bo’lgan holatga ko’ra hisoblab 
chiqariladi va er solig’ining hisob - kitobi er uchastkasi joylashgan erdagi davlat 
soliq xizmati organiga hisobot yilining 10 yanvariga qadar taqdim etiladi. 
Er solig’ini hisoblab chiqarish ushbu Kodeksning 439 - moddasiga muvofiq 
hisoblab chiqarilgan soliq solinadigan bazadan va belgilangan stavkadan kelib 
chiqqan holda amalga oshiriladi. 
Soliq solinadigan bazada (hisoblangan soliq summasida) soliq davri mobaynida 
o’zgarish bo’lganda yuridik shaxslar bir oylik muddat ichida davlat soliq xizmati 
organiga er solig’ining aniqlashtirilgan hisob - kitobini taqdim etishi shart. 
Soliq davri mobaynida qishloq xo’jaligi ekinlarining umumiy maydonida va 
tarkibida o’zgarishlar yuz bergan yuridik shaxslar qishloq xo’jaligi uchun 
mo’ljallangan er uchastkalari bo’yicha yuridik shaxslardan olinadigan er solig’ining 
aniqlashtirilgan hisob - kitobini davlat soliq xizmati organiga joriy yilning 1 
dekabriga qadar taqdim etadi. 
Ushbu Kodeksning 438 - moddasi ikkinchi qismida ko’rsatilgan ob’ektlar 
joylashgan er maydonlariga ega bo’lgan yuridik shaxslar joriy soliq davrining 10 
yanvar kuniga qadar mazkur ob’ektlarning joylashgan o’rni bo’yicha hududiy soliq 
organlariga yuridik shaxslarga tegishli soliqqa tortilmaydigan er maydonlari 
to’g’risida O’zbekiston Respublikasi Davlat soliq qo’mitasi tomonidan tasdiqlangan 
shakldagi ma’lumotnomani taqdim etadilar. 
444 - modda. Soliq to’lash tartibi 

---

411 
 
Qishloq xo’jaligi uchun mo’ljallanmagan er maydonlari uchun er solig’ini 
to’lash tartibi: 
Oborotdan soliq to’lovchilar uchun - er solig’i yillik summasining to’rtdan bir 
qismi miqdorida, har chorak birinchi oyining 10 - sanasigacha; 
oborotdan soliq to’lovchi bo’lmagan yuridik shaxslar uchun - er solig’i yillik 
summasining o’n ikkidan bir qismi miqdorida, har oyning 10 - sanasigacha. 
Soliq davri mobaynida er solig’i to’lashning belgilangan muddatidan keyin 
majburiyatlar yuzaga kelganda, ushbu summani to’lash majburiyatlar yuzaga kelgan 
sanadan e’tiboran o’ttiz kundan kechiktirmay amalga oshiriladi. 
Qishloq xo’jaligida foydalaniladigan er maydonlari uchun yuridik shaxslardan 
olinadigan er solig’ini to’lash quyidagi tartibda amalga oshiriladi: 
hisobot yilining 1 sentyabriga qadar — yillik soliq summasining 30 foizi; 
hisobot yilining 1 dekabriga qadar — soliqning qolgan summasi.