O’zbekiston respublikasining soliq kodeksi I bo’lim. Umumiy qoidalar

413-modda. Norezidentning daromadlaridan soliqni qaytarish tartibi 
O’zbekiston Respublikasining tegishli xalqaro shartnomasini qo’llash 
huquqiga ega bo’lgan norezident tomonidan O’zbekiston Respublikasidagi 
manbalardan olingan daromadlardan soliq byudjetga to’langanda, bunday 
norezident ushbu Kodeksning 
108-moddasida
nazarda tutilgan tartibda to’langan 
soliqni qaytarib olish huquqiga ega. 
XV BO’LIM. IJTIMOIY SOLIQ 
 
58-bob. Ijtimoiy soliq 
 
414-modda. Soliq to’lovchilar 
Ijtimoiy soliqni to’lovchilar quyidagilardan iborat: 
O’zbekiston Respublikasi yuridik shaxslari; 
O’zbekiston Respublikasida faoliyatni doimiy muassasa, chet ellik yuridik 
shaxslarning vakolatxonalari va filiallari orqali amalga oshiruvchi O’zbekiston 
Respublikasi norezidentlari; 
ushbu Kodeksning 420-421-moddalarida nazarda tutilgan tartibga muvofiq 
ijtimoiy soliqni to’laydigan alohida toifadagi jismoniy shaxslar. 
415-modda. Soliq solish ob’ekti 

---

392 
Ish beruvchining xodimlar mehnatiga haq to’lash xarajatlari ijtimoiy 
soliqning soliq solish ob’ekti deb e’tirof etiladi. 
O’zbekiston Respublikasi hududida ishlash uchun chet ellik xodimlar bilan 
ta’minlash yuzasidan xizmatlar ko’rsatishga doir shartnomalar bo’yicha yuridik 
shaxs bo’lgan O’zbekiston Respublikasi norezidentiga to’lanadigan chet ellik 
xodimlarning daromadlari ham ijtimoiy soliqning soliq bazasi deb e’tirof etiladi.
Jismoniy shaxslarning ayrim toifalari uchun ular tomonidan tadbirkorlik va 
(yoki) qonunchilikda belgilangan tartibda yakka mehnat faoliyatini amalga oshirish 
ijtimoiy soliqning soliq solish ob’ekti deb e’tirof etiladi. 
Quyidagilar ijtimoiy soliqning soliq solish ob’ekti hisoblanmaydi: 
xodimga mehnatda mayib bo’lganligi yoki sog’ligiga boshqacha shikast 
etganligi bilan bog’liq zararning o’rnini qoplash tarzidagi ish beruvchining ushbu 
Kodeks 381-moddasining ikkinchi qismi 10-bandida ko’rsatilgan miqdorlardan 
ortiqcha qilingan xarajatlari; 
paxta yig’im-terimi bo’yicha qishloq xo’jaligi ishlariga jalb qilingan jismoniy 
shaxslarning bu ishlarni bajarganligi uchun haq to’lash bilan bog’liq harajatlar.