O’zbekiston respublikasining soliq kodeksi I bo’lim. Umumiy qoidalar

350-modda. Soliq davri. Hisobot davri 
 
Kalendar yil soliq davridir. 
Yilning choragi hisobot davridir. 
351-modda. Soliqni hisoblab chiqarish va soliq 
hisobotini taqdim etish tartibi
 
Hisobot (soliq) davrining yakunlari bo’yicha soliq summasi soliq to’lovchi 
tomonidan mustaqil ravishda aniqlanadi. 
Hisobot davri yakunlari bo’yicha soliq summasi soliq davrining boshidan oshib 
boruvchi yakun bilan, agar ushbu moddada boshqacha qoida belgilanmagan bo’lsa, 
soliq bazasining soliq stavkasiga muvofiq bo’lgan foizlardagi ulushi sifatida 
hisoblab chiqariladi. 
Soliq to’lovchi ushbu Kodeksning 354-moddasida belgilangan hollarda va 
tartibda foyda solig’ini yoki chet davlatda to’langan daromadlardan olinadigan 
huddi shunday turdagi to’langan soliqni hisobga o’tkazish yo’li bilan soliq 
summasini kamaytirishga haqli. 

---

340 
Soliq hisoboti barcha soliq to’lovchilar tomonidan har bir hisobot
va soliq davri o’tganidan keyin soliqni hisobga olish joyidagi soliq organiga, agar 
ushbu moddada boshqacha qoida belgilanmagan bo’lsa, taqdim etiladi. 
Agar ushbu moddada boshqacha qoida belgilanmagan bo’lsa, soliq hisoboti 
quyidagi muddatlarda taqdim etiladi: 
1) hisobot davri yakunlari bo’yicha – hisobot davridan keyingi oyning yigirma 
beshinchi kunidan kechiktirmay; 
2) soliq davri yakunlari bo’yicha – soliq davri o’tgandan keyingi yilning 1 
aprelidan kechiktirmay. 
O’zbekiston Respublikasida faoliyatini doimiy muassasa orqali amalga 
oshiruvchi O’zbekiston Respublikasi norezidentlari soliqni hisobga olish joyidagi 
soliq organiga O’zbekiston Respublikasidagi faoliyati to’g’risidagi hisobotni (erkin 
shaklda) va soliq bo’yicha soliq hisobotini soliq davri yakunlari bo’yicha soliq 
hisobotini taqdim etish uchun belgilangan muddatlarda taqdim etadi. Mazkur soliq 
to’lovchilarning faoliyati soliq davri tugaguniga qadar tugatilgan taqdirda, ushbu 
hujjatlar faoliyat tugatilganidan keyin bir oydan kechiktirmay taqdim etilishi kerak. 
Byudjet tashkilotlari va nodavlat notijorat tashkilotlari tomonidan soliq 
bo’yicha soliq hisoboti soliq davri yakunlari bo’yicha taqdim etiladi, bundan 
matlubot kooperativlari mustasno. Bunda o’tgan soliq davri yakunlari bo’yicha jami 
daromad mavjud bo’lmagan taqdirda soliq hisobotini taqdim etish talab qilinmaydi.