O’zbekiston respublikasining soliq kodeksi I bo’lim. Umumiy qoidalar

297-modda. Aktsiz to’lanadigan tovarlarga (xizmatlarga) doir
soliq solinadigan operatsiyalar amalga
oshiriladigan sana 
Ushbu Kodeksning 254-moddasida tegishli operatsiyalar uchun nazarda 
tutilgan sana aktsiz to’lanadigan tovarlarga (xizmatlarga) doir soliq solinadigan 
operatsiyalar amalga oshirilgan sanadir.
Olib kirilayotgan aktsiz to’lanadigan tovarlar bojxona rasmiylashtiruvidan 
o’tkazilgan sana ularga doir operatsiya amalga oshirilgan sanadir. 
41-bob. Soliq bazasi. Soliqni hisoblab chiqarish va to’lash tartibi 
 
298-modda. Soliq bazasi 
Soliq bazasi belgilangan soliq stavkalariga qarab soliq solinadigan 
mahsulotning har bir turi bo’yicha alohida aniqlanadi. 

---

284 
Aktsiz solig’ining stavkalari o’ziga nisbatan mutlaq summada (qat’iy) 
belgilangan aktsiz to’lanadigan tovarlar (xizmatlar) bo’yicha soliq solinadigan baza 
aktsiz to’lanadigan tovarlarning (xizmatlarning) naturada ifodalangan hajmidan 
kelib chiqqan holda aniqlanadi. 
Aktsiz solig’ining stavkalari o’ziga nisbatan foizlarda (advalor) belgilangan, 
ishlab chiqarilayotgan aktsiz to’lanadigan tovarlar (xizmatlar) bo’yicha realizatsiya 
qilingan aktsiz to’lanadigan tovarlarning (xizmatlarning) qiymati, biroq ularning 
haqiqiy tannarxidan past bo’lmagan qiymati soliq solinadigan bazadir. 
Ish haqi, hisoblab chiqarilgan dividendlar hisobiga, bepul yoki boshqa 
tovarlarga (xizmatlarga) ayirboshlash uchun beriladigan aktsiz to’lanadigan tovarlar 
bo’yicha soliq solinadigan baza ushbu moddaning ikkinchi va uchinchi qismlarida 
belgilangan tartibda aniqlanadi. 
Qayta ishlashga berilgan xom ashyo va materiallardan ishlab chiqarilgan aktsiz 
to’lanadigan tovarlar bo’yicha soliq solinadigan baza aktsiz to’lanadigan tovarlarni 
ishlab chiqarishga doir ishlar qiymatini hamda qayta ishlashga berilgan xom ashyo 
va materiallar qiymatini o’z ichiga oladi. 
Aktsiz solig’ining qat’iy va advalor stavkalardan iborat bo’lgan aralash 
stavkalari o’ziga nisbatan belgilangan aktsiz to’lanadigan tovarlar bo’yicha soliq 
solinadigan baza aktsiz to’lanadigan tovarlarning natura holidagi hajmidan hamda, 
agar ushbu moddaning ikkinchi va uchinchi qismlarida boshqacha qoida nazarda 
tutilmagan bo’lsa, realizatsiya qilingan aktsiz to’lanadigan tovarlarning aktsiz 
solig’ini va qo’shilgan qiymat solig’ini o’z ichiga olmagan qiymatidan kelib chiqqan 
holda aniqlanadi. 
Aktsiz solig’ining stavkalari o’ziga nisbatan foizlarda (advalor) belgilangan 
import olib kirilayotgan aktsiz to’lanadigan tovarlar bo’yicha soliq solinadigan baza 
bojxona to’g’risidagi qonun hujjatlariga muvofiq aniqlanadigan bojxona qiymati 
asosida belgilanadi. 
Aktsiz solig’ining qat’iy stavkalari o’ziga nisbatan belgilangan import qilingan 
aktsiz to’lanadigan tovarlar bo’yicha soliq solinadigan baza import qilingan aktsiz 
to’lanadigan tovarlarning natura holidagi hajmidan kelib chiqib aniqlanadi. 
Advalor va qat’iy aralash soliq stavkalari belgilangan aktsiz to’lanadigan 
tovarlar bo’yicha soliq solinadigan baza bunday aktsiz to’lanadigan tovarlarning 
o’ziga nisbatan advalor stavka qo’llaniladigan bojxona qiymati miqdorida 
aniqlanadi, bunda aktsiz solig’ining summasi qat’iy stavkani qo’llagan holda 
hisoblab chiqarilgandan kam bo’lmasligi kerak. 
Benzinni, dizel yoqilg’isini va gazni yakuniy iste’molchilarga realizatsiya 
qilish chog’ida realizatsiya qilingan va (yoki) shaxsiy ehtiyojlar uchun foydalanilgan 
benzinning, dizel yoqilg’isi va gazning naturada ifodalangan hajmi soliq solinadigan 
bazadir.