O’zbekiston respublikasining soliq kodeksi I bo’lim. Umumiy qoidalar

39-bob. Elektron shaklda xizmatlar ko’rsatuvchi chet ellik 
yuridik shaxslarga soliq solishning o’ziga xos xususiyatlari 
290-modda. Soliq to’lovchilar 
 
Realizatsiya qilish joyi O’zbekiston Respublikasi bo’lgan elektron shakldagi 
xizmatlarni realizatsiya qilishni amalga oshiruvchi chet ellik yuridik shaxslar 
bunday xizmatlarni jismoniy shaxslarga ko’rsatishga oid qism bo’yicha soliq 
to’lovchilar deb e’tirof etiladi. 
Bunday xizmatlar O’zbekiston Respublikasining yuridik shaxslariga va chet 
ellik yuridik shaxslarning doimiy muassasalariga ko’rsatilgan taqdirda, mazkur 
shaxslar – bunday xizmatlarning xaridorlari soliq agentlari deb e’tirof etiladi. 

---

278 
Ushbu bobning maqsadlarida quyidagilar soliq to’lovchilar deb e’tirof etiladi: 
1) elektron shakldagi xizmatlarni bevosita O’zbekiston Respublikasi hududida 
joylashgan chet ellik shaxslarning alohida bo’linmalari orqali ko’rsatuvchi chet ellik 
yuridik shaxslar; 
2) elektron shakldagi xizmatlarni bevosita O’zbekiston Respublikasi hududida 
joylashgan chet ellik yuridik shaxslarning alohida bo’linmalari orqali amalga 
oshirish chog’ida vositachilar sifatida ish yurituvchi chet ellik yuridik shaxslar.
Chet ellik yuridik shaxslar tomonidan jismoniy shaxslarga ushbu Kodeksning 
294-moddasida ko’rsatilgan, realizatsiya qilish joyi O’zbekiston Respublikasining 
hududi deb e’tirof etilgan elektron shakldagi xizmatlar ko’rsatilganda, bunday 
xizmatlarni ko’rsatuvchi chet ellik yuridik shaxslar bilan topshiriq, vositachilik, 
agentlik shartnomalari yoki boshqa shunga o’xshash shartnomalar asosida bevosita 
jismoniy shaxslar bilan hisob-kitoblarda ishtirok etgan holda tadbirkorlik faoliyatini 
amalga oshiruvchi chet ellik yuridik shaxslar bo’lgan vositachilar ushbu bo’lim 
maqsadlarida soliq agentlari deb e’tirof etiladi. 
Agar bunday xizmatlar bir necha yuridik shaxslar bo’lgan vositachilarning 
hisob-kitoblarida ishtirok etgan holda ko’rsatilsa, bevosita jismoniy shaxslar bilan 
hisob-kitoblarda ishtirok etgan holda tadbirkorlik faoliyatini amalga oshiruvchi chet 
ellik yuridik shaxs bo’lgan vositachi unda ushbu xizmatlarni ko’rsatuvchi chet ellik 
yuridik shaxs bilan shartnoma mavjudligidan qat’i nazar soliq agenti deb e’tirof 
etiladi.