O’zbekiston respublikasining soliq kodeksi I bo’lim. Umumiy qoidalar

38-bob. Ayrim hollarda soliq solishning o’ziga xos
xususiyatlari
 
287-modda. Birgalikdagi faoliyat, ishonchli boshqaruv 
yoki kontsessiya bitimi doirasida operatsiyalarni
amalga oshirish chog’ida soliqni hisoblab chiqarish va 
to’lashning o’ziga xos xususiyatlari 
 
Agar oddiy shirkatning (birgalikdagi faoliyat to’g’risidagi shartnomaning) 
ishtirokchilaridan loaqal bittasi O’zbekiston Respublikasining soliq rezidenti 
bo’lgan O’zbekiston Respublikasi yuridik shaxsi yoxud yakka tartibdagi tadbirkor 
bo’lsa, soliq solish maqsadlarida birgalikdagi faoliyat doirasida amalga 
oshiriladigan, ushbu Kodeksning 251-moddasiga muvofiq soliq solinishi lozim 

---

275 
bo’lgan operatsiyalarning umumiy hisobini yuritish shunday ishtirokchi tomonidan 
amalga oshirilishi kerak. 
Mazkur qoida birgalikdagi faoliyat to’g’risidagi shartnomaga muvofiq shirkat 
ishlarini yuritish kimning zimmasiga yuklatilganligidan qat’i nazar qo’llaniladi. 
Bundan buyon ushbu moddada shirkat operatsiyalarining umumiy hisobini 
yuritish zimmasiga yuklatilgan ishtirokchi ishonchli shaxs deb nomlanadi. 
Oddiy shirkat shartnomasiga, kontsessiya bitimiga yoki mol-mulkni ishonchli 
boshqarish shartnomasiga muvofiq operatsiyalarni amalga oshirishda shirkatning 
ishonchli shaxsi, kontsessioner yoki ishonchli boshqaruvchi zimmasiga soliq 
to’lovchining ushbu bo’limda belgilangan majburiyatlari yuklatiladi. 
Oddiy shirkat shartnomasiga, kontsessiya bitimiga yoki mol-mulkni ishonchli 
boshqarish shartnomasiga muvofiq tovarlarni (xizmatlarni) realizatsiya qilishda 
shirkatning ishonchli shaxsi, kontsessioner yoki ishonchli boshqaruvchi qonun 
hujjatlarida belgilangan tartibda tegishli hisobvaraq-fakturalarni taqdim etishi shart.
Soliq solinadigan tovarlarni (xizmatlarni) oddiy shirkat shartnomasi doirasida 
ishlab chiqarish va (yoki) realizatsiya qilish uchun olinadigan tovarlar (xizmatlar) 
bo’yicha soliqni hisobga o’tkazish imkoniyati faqat shirkatning ishonchli shaxsiga 
ushbu bobda belgilangan tartibda sotuvchilar tomonidan ushbu shaxsga taqdim 
etilgan hisobvaraq-fakturalar mavjud bo’lgan taqdirda beriladi. 
Shirkatning ishonchli shaxsi tomonidan boshqa faoliyat amalga oshirilgan 
taqdirda, oddiy shirkat shartnomasiga muvofiq operatsiyalarni amalga oshirish 
chog’ida foydalaniladigan va uning tomonidan o’zining boshqa faoliyatini amalga 
oshirishi chog’ida foydalaniladigan tovarlarning (xizmatlarning) alohida-alohida 
hisobi mavjud bo’lganda soliq summalarini hisobga o’tkazishga bo’lgan huquq 
yuzaga keladi. 
Soliqni hisobga o’tkazish bo’yicha shunday qoidalar kontsessiya bitimiga yoki 
mol-mulkni ishonchli boshqarish shartnomasiga muvofiq amalga oshiriladigan 
operatsiyalarga nisbatan belgilanadi. 
Shirkatning soliq hisobini yuritish uchun mas’ul bo’lgan ishonchli shaxsi, 
kontsessioner, ishonchli boshqaruvchi oddiy shirkat shartnomasini, kontsessiya 
bitimini, mol-mulkni ishonchli boshqarish shartnomasini bajarish jarayonida amalga 
oshirilgan operatsiyalarning hisobini har bir ko’rsatib o’tilgan shartnoma bo’yicha 
alohida-alohida yuritadi.