O’zbekiston respublikasining soliq kodeksi I bo’lim. Umumiy qoidalar

257-modda. Soliqdan ozod qilinadigan sug’urta xizmatlari 
 
Sug’urta qilish, birgalikda sug’urta qilish va qayta sug’urta qilish xizmatlari 
bo’yicha sug’urta bozorining professional ishtirokchilari tomonidan amalga 
oshiriladigan sug’urta xizmatlari soliq solishdan ozod qilinib, bu xizmatlar 
natijasida: 
1) sug’urta bozorining professional ishtirokchisi quyidagilarni oladi: 
sug’urta qilish, birgalikda sug’urta qilish va qayta sug’urta qilish shartnomalari 
bo’yicha sug’urta mukofotlarini; 
qayta sug’urta qilishga topshirilgan shartnomalar bo’yicha vositachilik haqini 
va tantemalarni; 
sug’urta agentining, sug’urta va qayta sug’urta brokerining, syurveyerning 
hamda sug’urta bozori boshqa professional ishtirokchilarining xizmatlari uchun 
vositachilik haqini; 
qayta sug’urta qilishga topshirilgan shartnomalar bo’yicha sug’urta to’lovlari 
ulushining qayta sug’urtalovchilar tomonidan to’lanadigan to’lovini; 
sug’urta qilish, birgalikda sug’urta qilish va qayta sug’urta qilish shartnomalari 
bo’yicha uchinchi shaxslardan subrogatsiya (regress) tartibida talab qilish bo’yicha 
daromadlarni; 
sug’urta bozorining professional ishtirokchilari (aktuariylar, ajasterlar, 
syurveyerlar, assistanslar va boshqalar) ko’rsatgan xizmatlardan olinadigan 
daromadlarni; 
qayta sug’urta qilish shartnomalari bo’yicha depo mukofotlariga hisoblangan 
hamda qayta sug’urta qildiruvchi tomonidan qayta sug’urtalovchiga o’tkazilgan 
foizlarni; 
hayotni sug’urta qilish shartnomalari bo’yicha sug’urta qildiruvchilarga taqdim 
etilgan zayomlardan olinadigan daromadlarni; 
sug’urtalovchining (qayta sug’urtalovchining) investitsiya faoliyatidan 
olinadigan daromadlarni, shu jumladan sug’urta rezervlari va sug’urta fondlari 
mablag’larini investitsiyalashdan olinadigan daromadlarni; 

---

250 
sug’urta qilish, birgalikda sug’urta qilish va qayta sug’urta qilish shartnomalari 
bo’yicha franshizlarning o’rnini qoplashdan olinadigan daromadlarni; 
qonun hujjatlariga muvofiq sug’urtalovchiga o’tgan, sug’urta qildiruvchining 
(naf oluvchining) etkazilgan zarar uchun javobgar bo’lgan shaxslardan talab qilish 
huquqini realizatsiya qilishdan olinadigan daromadlarni; 
qayta sug’urta qilish shartnomalari muddatidan ilgari tugatilgan taqdirda, ular 
bo’yicha sug’urta mukofotlarining qaytarib berilgan qismi summalarini; 
bevosita sug’urta faoliyatini amalga oshirishdan olinadigan boshqa 
daromadlarni; 
2) sug’urta qildiruvchi (naf oluvchi) quyidagilarni oladi: 
sug’urta to’lovini (sug’urta tovonini); 
preventiv tadbirlar o’tkazish uchun beriladigan mablag’larni; 
sug’urta qilish shartnomasi zararsiz amal qilishi uchun sug’urtalovchi 
tomonidan to’lanadigan mablag’larni; 
sug’urta qilish shartnomasiga muvofiq boshqa mablag’larni. 
O’zbekiston Respublikasi Moliya vazirligi va Davlat soliq qo’mitasi ushbu 
modda qoidalarining qo’llanilish tartibi yuzasidan tushuntirishlar berishga, ayrim 
aylanmalarni batafsil tekshirishga haqli.