O’zbekiston respublikasining soliq kodeksi I bo’lim. Umumiy qoidalar

 
248-modda. Sudga berilgan shikoyatlarni ko’rib chiqish 
Soliq organlarining hujjatlari, ular mansabdor shaxslarining harakatlari yoki 
harakatsizligi ustidan sudga berilgan shikoyatlar (da’vo arizalari) O’zbekiston 
Respublikasining fuqarolik protsessual va boshqa qonun hujjatlarida belgilangan 
tartibda hal qilinadi. 
IX BO’LIM. QO’ShILGAN QIYMAT SOLIG’I 
31-bob. Soliq to’lovchilar. Soliq solish ob’ekti
249-modda. Soliq to’lovchilar 

---

239 
O’zbekiston Respublikasida tadbirkorlikni amalga oshiruvchi va (yoki) 
tovarlarni (xizmatlarni) realizatsiya qiluvchi yuridik shaxslar va yakka tartibdagi 
tadbirkorlar, xususan quyidagilar qo’shimcha qiymat solig’ini to’lovchilar (bundan 
buyon ushbu bo’limda tegishincha soliq to’lovchi va soliq deb yuritiladi) deb e’tirof 
etiladi: 
1) O’zbekiston Respublikasining yuridik shaxslari; 
2) O’zbekiston Respublikasi hududida faoliyatni amalga oshiruvchi yakka 
tartibdagi tadbirkorlar; 
3) O’zbekiston Respublikasi hududida faoliyatni doimiy muassasalar orqali 
amalga oshiruvchi chet ellik yuridik shaxslar; 
4) oddiy shirkat shartnomasi doirasida amalga oshiriladigan faoliyat 
bo’yicha – oddiy shirkatning ishtirokchisi bo’lgan, zimmasiga oddiy shirkat ishlarini 
yuritish yuklatilgan ishonchli shaxs; 
5) O’zbekiston Respublikasining bojxona chegarasi orqali tovarlarni olib 
o’tuvchi shaxslar. Mazkur shaxslar O’zbekiston Respublikasining bojxona 
to’g’risidagi qonun hujjatlariga muvofiq qo’shilgan qiymat solig’ini to’lovchilar deb 
e’tirof etiladi: 
Ushbu bo’limda belgilangan hollarda, soliq majburiyatlari soliq agentlari 
tomonidan bajariladi. 
Quyidagilar soliq to’lovchilar deb hisoblanmaydi, bundan ushbu moddaning 5-
bandida nazarda tutilgan hollar mustasno: 
1) aylanmadan soliq to’lovchi shaxslar; 
2) davlat jamiyati va boshqaruvi organlari – o’z zimmasiga yuklatilgan 
vazifalarni bajarish doirasida. 
Soliq to’lovchilar O’zbekiston Respublikasi Davlat soliq qo’mitasi tomonidan 
belgilangan tartibda yozma shaklda yoki telekommunikatsiya aloqa vositalari orqali 
ariza berish yo’li bilan soliq organlarida maxsus ro’yxatdan o’tkazish hisobiga 
turishi shart. 
Soliq to’lovchi sifatida maxsus ro’yxatdan o’tishi lozim bo’lgan shaxslar 
aniqlangan taqdirda soliq organlari ularni mustaqil ravishda ro’yxatdan o’tkazishi 
shart.