16
Respublikasi, viloyatlar va Toshkent shahar davlat soliq boshqarmalari, shuningdek
tumanlar (shaharlar) davlat soliq inspektsiyalari;
2) bojxona organlari – O’zbekiston Respublikasi Davlat bojxona qo’mitasi,
Davlat bojxona qo’mitasining Qoraqalpog’iston Respublikasi, viloyatlar, Toshkent
shahri bo’yicha boshqarmalari, bojxona komplekslari va bojxona postlari;
3) yig’imlarni undirish funktsiyalarini amalga oshiruvchi davlat organlari.
27-modda. Soliq organlarining huquqlari
Soliq organlari:
1) soliq to’lovchilardan va uchinchi shaxslardan soliqlarni hisoblab chiqarish
va to’lash uchun zarur bo’lgan hujjatlar va ma’lumotlarni (axborot)ni taqdim etishni,
shu jumladan elektron tarzda taqdim etishni talab qilishga;
2) soliq to’lovchilarda soliqlarni hisoblab chiqarish va to’lash uchun zarur
bo’lgan moliyaviy va boshqa hujjatlarni, shu jumladan uchinchi shaxslarda mavjud
bo’lgan hujjatlarni, shu jumladan elektron jismlarda saqlanadigan tegishli axborotni
soliq tekshiruvidan o’tkazishga;
3) hududni, ishlab chiqarish, ombor, savdo binolari va boshqa binolarni, shu
jumladan soliq to’lovchi tomonidan daromadlar olish uchun foydalaniladigan yoxud
soliq solish ob’ektlarini saqlash bilan bog’liq bo’lgan joylarni ko’zdan kechirishga;
4) mol-mulk inventarizatsiyasini va bajarilgan ishlar, ko’rsatilgan
xizmatlarning nazorat o’lchovini o’tkazishga;
5) kassa va tovar-moddiy boyliklar hamda hujjatlar saqlanadigan joylarni ikki
kundan ortiq bo’lmagan muddatga, sud qarori bo’yicha
esa ikki kundan ortiq
muddatga muhrlashga;
6) soliqlarni hisoblab chiqarish bilan bog’liq bo’lgan hujjatlarni, shuningdek
elektron axborot tashuvchilarini olib qo’yishni amalga oshirishga;
7) foto-video tasvirni amalga oshirishga,
tushuntirishlar va boshqa
ma’lumotlarni olishga;
8) tarjimonni, ekspertni jalb etishga va ekspertiza tayinlashga;
9) soliq to’lovchi tomonidan hisob hujjatlari yo’qotilgan yoki yo’q qilingan
hollarda o’zlaridagi soliq to’lovchi to’g’risida mavjud bo’lgan axborot, shuningdek
boshqa shunga o’xshash soliq to’lovchilar to’g’risidagi ma’lumotlar asosida
soliqlarni hisob-kitob yo’li bilan mustaqil aniqlashga;
10) o’zaro kelishuv asosida soliq monitoringida ishtirok etadigan soliq
to’lovchi tomonidan soliq to’g’risidagi qonun
hujjatlariga rioya etilishi, soliqlar
to’g’ri hisoblab chiqarilishi, to’liq va o’z vaqtida to’lanishining soliq monitoringini
amalga oshirishga;
11) soliq qarzini majburiy undirish choralarini ko’rishga;
12) soliqqa oid huquqbuzarliklar to’g’risidagi ishlarni qonun hujjatlarida
belgilangan tartibda ko’rib chiqishga va moliyaviy sanktsiyalar qo’llashga;
13) aniqlangan soliq huquqbuzarliklari holatlari bo’yicha tovar-moddiy
boyliklarni qonun hujjatlarida belgilangan hollarda va
tartibda davlat daromadiga
qaratishga. Soliq to’lovchilar bo’lgan yuridik shaxslarning, yakka tartibdagi
17
tadbirkorlarning tovar-moddiy boyliklarini davlat daromadiga qaratish sud tartibida
amalga oshiriladi;
14) soliq to’lovchilarga nisbatan ular tomonidan noqonuniy olingan
mablag’larini davlat daromadiga undirish to’g’risida sudlarga da’volar kiritishga;
15) hujjatlarning davlat tiliga tarjima qilinishini talab qilishga;
16) soliq to’lovchilar va soliq agentlarini ular tomonidan soliqlar to’lanishi
(ushlab qolinishi va o’tkazilishi) yoxud soliq
tekshiruvi munosabati bilan,
shuningdek ular tomonidan soliq to’g’risidagi qonun hujjatlarini ijro etilishi bilan
bog’liq bo’lgan boshqa hollarda tushuntirishlar berish uchun yozma xabarnoma
asosida chaqirishga;
17) ushbu Kodeksda nazarda tutilgan tartibda soliq to’lovchining yoki soliq
agentining bank hisobvaraqlari bo’yicha operatsiyalarni to’xtatib
turishga hamda
ularning mol-mulkni xatlab qo’yishga;
18) soliq to’lovchilardan, soliq agentlaridan, ularning vakillaridan soliq
to’g’risidagi qonun hujjatlarining aniqlangan buzilishlarini bartaraf etishni talab
qilishga va mazkur talablarning bajarilishini nazorat qilishga;
19) ushbu Kodeksda belgilangan majburiyatlarning
banklar tomonidan
bajarilishini nazorat qilishga haqli.
Soliq organlari ushbu Kodeksda nazarda tutilgan boshqa huquqlarni ham
amalga oshiradi.
Soliq organlari zimmasiga yuklatilgan majburiyatlarni bajarish (bunga
erishish) uchun zarur va etarli doiralarda o’z huquqlarini amalga oshirishga haqlidir.
Yuqori turuvchi soliq organlari quyi organlarning qarorlarini ushbu qarorlar
soliq to’g’risidagi qonun hujjatlariga zid bo’lgan taqdirda bekor qilishga va (yoki)
o’zgartirishga haqli.
Ushbu Kodeksda nazarda tutilgan hujjatlarning shakli va hajmi, elektron hujjat
aylanishini ta’minlash uchun zarur bo’lgan hujjatlar,
shuningdek mazkur
hujjatlarning shakllarini to’ldirish tartibi hamda bunday hujjatlarni qog’ozda yoki
telekommunikatsiya aloqa tarmoqlari yoxud soliq to’lovchining shaxsiy kabineti
orqali elektron shaklda yuborish va olish tartibi O’zbekiston Respublikasi Davlat
soliq qo’mitasi tomonidan tasdiqlanadi.
Do'stlaringiz bilan baham: 
