O‘zbekiston respublikasining qonuni o‘zbekiston respublikasida bayram kunlari to‘G‘risida

O‘ZBEKISTON RESPUBLIKASINING QONUNI

O‘ZBEKISTON RESPUBLIKASIDA BAYRAM KUNLARI TO‘G‘RISIDA

Ushbu Qonun O‘zbekiston Respublikasi Oliy Majlisining 1996-yil 30-avgustdagi 283-I-son “O‘zbekiston Respublikasining ayrim qonun hujjatlari o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.

Tarixan tarkib topgan milliy an’analarga asoslanib, demokratizm, insonparvarlik qoidalariga yondashgan holda va fuqarolar o‘rtasida totuvlikni va marhamatlilikni mustahkamlash maqsadida O‘zbekiston Respublikasi Oliy Kengashi qaror qiladi:

Quyidagi kunlar O‘zbekiston Respublikasi hududida bayram (dam olish) kunlari deb belgilansin: 1-yanvar — Yangi yil, 8-mart — Xotin-qizlar kuni, 21-mart — Navro‘z bayrami, 9-may — G‘alaba kuni, 1-sentabr — Mustaqillik kuni, Ro‘za xayit (Iyid al Fitr)ning birinchi kuni va qurbon xayit (Iyd al Adxa)ning birinchi kuni.

O‘zbekiston Respublikasining 1971-yil 17-dekabrdagi qonuni bilan tasdiqlangan O‘zbekiston Respublikasining Mehnat to‘g‘risidagi qonunlari Kodeksining 77-moddasi (O‘zbekiston Respublikasi Oliy Sovetining Vedomostlari, 1971-yil, № 34, 322-modda; 1977-yil, № 32, 494-modda) quyidagi tahrirda bayon etilsin:

“77-modda. Bayram kunlari

Korxonalar, birlashmalar va tashkilotlarda quyidagi bayram kunlarida ishlanmaydi:

1-yanvar — Yangi yil;

8-mart — Xotin-qizlar kuni;

21-mart — Navro‘z bayrami;

9-may — G‘alaba kuni;

1-sentabr — Mustaqillik kuni;

Ro‘za xayit (Iyd al Fitr) bayramining birinchi kuni;

Qurbon xayit (Iyd al Adxa) bayramining birinchi kuni”.

O‘zbekiston Respublikasining Prezidenti I. KARIMOV Toshkent sh.,1992-yil 3-iyul 669-XII-son