O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

450-modda. Ijro varaqasining yoki sud buyrug‘ining dublikatini berish
Ijro varaqasining yoki sud buyrug‘ining asl nusxasi yo‘qotilgan hollarda, sud hujjatini
chiqargan sud undiruvchining yoxud davlat ijrochisining arizasiga ko‘ra, ijro varaqasining
dublikatini berishi mumkin.
Dublikat berish haqidagi ariza ishda ishtirok etuvchi shaxslar xabardor qilingan holda sud
majlisida ko‘riladi, biroq ularning kelmaganligi dublikat berish to‘g‘risidagi masalani hal etish uchun
to‘sqinlik qilmaydi.
Dublikat berish to‘g‘risidagi ariza bunday ariza sudga kelib tushgan paytdan e’tiboran o‘n kun
ichida sud majlisida ko‘riladi.
Sudning dublikat berish to‘g‘risidagi masalaga doir ajrimi ustidan xususiy shikoyat (protest)
berilishi mumkin.
Xususiy shikoyatda (protestda) xususiy shikoyat (protest) bergan shaxsning yoki uning
vakilining telefonlari va fakslari raqamlari, elektron pochta manzili ko‘rsatilishi mumkin.

---

451-modda. Ijro varaqasini ijroga taqdim etish muddati
Sudning hal qiluv qarori majburiy tartibda ijro etish uchun, agar qonunda boshqa muddat
belgilanmagan bo‘lsa, u qonuniy kuchga kirgan paytdan e’tiboran uch yil ichida taqdim etilishi
mumkin.
Davriy to‘lovlarni undirish uchun berilgan ijro varaqalari bu to‘lovlar undiriladigan butun davr
ichida ijroga taqdim etilishi mumkin. Ijro varaqasi ijroga taqdim etilguniga qadar o‘tgan vaqt uchun
davriy to‘lovlar ushbu moddaning 
birinchi qismida 
belgilangan muddatlar doirasida undiriladi.
Ushbu moddaning 
birinchi qismida
nazarda tutilgan muddatlarning o‘tishi har bir to‘lov
muddati tugagan kundan e’tiboran boshlanadi.
Agar sud tomonidan ijro varaqasi berilguniga qadar sud hujjatining ijrosi kechiktirilgan yoki
bo‘lib-bo‘lib ijro etilishiga yo‘l qo‘yilgan bo‘lsa, unda ijro varaqasini taqdim etish muddati qaysi
vaqtdan boshlanishi ko‘rsatiladi.