O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

35-bob. Mol-mulkni (ashyoni) egasiz deb topish 
327-modda. Ariza berish 
Mol-mulkni (ashyoni) egasiz deb topish to„g„risidagi ariza davlat mol-
mulkini boshqarish vakolatiga ega organ yoki fuqarolarning o„zini o„zi boshqarish 
organi tomonidan mol-mulk (ashyo) turgan joydagi sudga beriladi. 
Arizada qaysi mol-mulkni (ashyoni) egasiz deb topish kerakligi 
ko„rsatilgan bo„lishi, shuningdek mol-mulk (ashyo) egasini aniqlashning imkoni 
yo„qligini yoxud mol-mulk (ashyo) mulkdor tomonidan unga nisbatan mulk 
huquqini saqlab qolish niyatisiz qoldirganligini tasdiqlovchi dalillar keltirilgan 
bo„lishi kerak. 
328-modda. Ishni sud muhokamasiga tayyorlash 
Sudya ishni sud muhokamasiga tayyorlashda mol-mulk (ashyo) kimga 
tegishli ekanligi to„g„risida ma‟lumot berishi mumkin bo„lgan shaxslarni (mol-
mulkning (ashyoning) mulkdorlari, unga amalda egalik qilib turganlar, qo„shnilar 
va boshqalarni) aniqlaydi, shuningdek fuqarolarning o„zini o„zi boshqarish 
organlaridan mol-mulkka doir mavjud ma‟lumotlarni so„raydi. 
329-modda. Ishni ko‘rib chiqish 
Mol-mulkni (ashyoni) egasiz deb topish to„g„risidagi ish arizachining 
vakili, uchinchi shaxslar va prokuror ishtirokida sud tomonidan ko„rib chiqiladi. 
330-modda. Sudning hal qiluv qarori 
Sud mol-mulkni (ashyoni) mulkdori yo„q yoki mulkdori noma‟lum yoxud 
mol-mulk (ashyo) mulkdor tomonidan unga nisbatan mulk huquqini saqlab qolish 
niyatisiz qoldirilgan deb topsa, mol-mulkni (ashyoni) egasiz deb topish va uni 
davlat mulkiga yoki fuqarolarning o„zini o„zi boshqarish organi mulkiga o„tkazish 
to„g„risida hal qiluv qarori qabul qiladi. 
36-bob. Taqdim etuvchiga deb berilgan hujjatlar yo‘qolgan taqdirda ular 
bo‘yicha huquqlarni tiklash (chaqirib ish yuritish) 
331-modda. Ariza berish 
Shaxs pul mablag„lari qo„yilganligi haqida yoki qimmatli narsalar yoxud 
davlat zayomi obligatsiyalari saqlash uchun topshirilganligi to„g„risida bank 
tomonidan taqdim etuvchiga berilgan qiymatli hujjatni yo„qotgan taqdirda, 
shuningdek qonunda nazarda tutilgan boshqa hollarda, suddan yo„qolgan hujjatni 

---

haqiqiy emas deb topish va yo„qolgan hujjat bo„yicha huquqlarini tiklash 
to„g„risida iltimos qilishi mumkin. 
Ish taqdim etuvchiga deb hujjat bergan muassasa joylashgan hududdagi sud 
tomonidan ko„rib chiqiladi. 
Arizada hujjat qanday vaziyatda yo„qolganligi, taqdim etuvchiga deb hujjat 
bergan muassasaning, hujjatning nomi ko„rsatilgan bo„lishi, hujjatning alohida 
belgilari va yo„qolgan hujjatni haqiqiy emas deb topish to„g„risidagi iltimos bayon 
qilinishi kerak.