O‘zbekiston Respublikasida lotin yozuviga asoslangan o‘zbek alifbosining joriy etilishi

 
Vatanim 
 
Men dunyoni nima qildim, 
O‘zing yorug‘ jahonim. 
O‘zim xoqon, 
O‘zim …………. 
Sen taxti Sulaymonim. 
Yolg‘izim, ……………  deymi, 
Topingan …………….  deymi, 
O‘zing mening ulug‘lardan 
Ulug‘imsan, Vatanim. 
Shodon kunim ………. otgan sen, 
Chechak otgan izimga, 
Nolon kunim yupatgan sen, 
…………….  bosib yuzimga. 
Singlim deymi, 
…………….  deymi, 
Hamdard-u hamxonam deymi, 
Oftobdan ham o‘zing mehri 
Ilig‘imsan, Vatanim. 
 
 
 
 
81 

---

82 
 
Xulosa  qilib  shuni  aytish  mumkinki,  dunyo  va  umumbashariy  qadriyatlar 
mohiyatan  bir-biri  bilan  bog‘liq  va  biri  ikkinchisini  talab  etuvchi  tushunchalar 
hisoblanadi. Zero, umuminsoniy qadriyatlar butun dunyo aholisining asrlar osha 
sayqallanib,  o‘z  ahamiyatliligini  yo‘qotmay  kelayotgan  boyliklar  jamlanmasidir. 
Ularning bashariyat hayotida tutgan o‘rni esa, hech shubhasiz, beqiyosdir. 
 
Insoniyat yaralibdiki, Yer kurrasidagi boshqa jonzotlardan farqli o‘laroq ong-
u shuur ham nomoddiy ko‘rinishga ega shunday qadriyatlar shakllandiki, ular Yer 
yuzining har bir kishisi uchun birday tushunarli va ahamiyatli bo‘lib keldi. Ushbu 
esse  aynan  bugungi  kun  kishilariga  ajdodlardan  meros  bo‘lib  kelayotgan 
umuminsoniy qadriyatlarning hayotimizda tutgan o‘rni haqida so‘z yuritadi. 
 
Shuni  ham  unutmaslik  kerakki,  umumbashariy  qadriyatlar  jahon 
sivilizatsiyasining  yaxlitligi  hamda  uning  barcha  bosqichlari  o‘zaro  uzviy  tarzda 
bog‘langanligining natijasidir. Boshqacha aytganda, dunyodagi hech bir xalq yoki 
millat  umumiy  jahon  sivilizatsiyasidan  ayri  holda  yaxlit  bir  tarixga  ega  emas  va 
millatlarning  hech  biri  boshqalarining  yutuqlaridan  foydalanmagan  holda 
rivojlangan  emas.  Shu  jihatdan  mazmunan  va  mohiyatan  ancha  keng  qamrovli 
hisoblanuvchi  umuminsoniy  qadriyatlarning  har  bir  xalq  va  millat  uchun  birdek 
ahamiyatli  bo‘lib  kelishiga  yuqoridagi  omillar  ham  o‘z  ta’sirini  o‘tkazadi  va  bu 
turdagi qadriyatlarning butun bashariyat mulki ekanini isbotlab beradi. Zotan, ilm-
fan,  falsafiy  tafakkur  yutuqlari,  intellektual  va  aqliy  mulklar,  adabiyot, 
me’morchilik, san’at asarlari, kashfiyot, ixtirolar, madaniyat durdonalari xalqalaro 
aloqalarning yorqin ifodasidir. 
 
Qadriyatlar odamzotni hamisha o‘zaro hamjihatlikka, birdamlikka va mehr-
muruvvatga  chorlovchi  hamda  asrlar  silsilasidan  insoniyat  turmush  tarzining 
ajralmas  qismi  sifatida  o‘tib  kelayotgan  moddiy  va  ma’naviy  jarayon  ekani 
barchamizga  ma’lum.  Umuminsoniy  qadriyatlar  esa  faqatgina  bir  millat  yoki 
mamlakat  uchungina  emas,  balki  butun  bashariyat  uchun  birday  ahamiyat  kasb 
etuvchi  qadriyatlar  silsilasidir.  Shubhasiz,  bu  kabi  qadriyatlar  qatoriga  tabiatni 
muhofaza  qilish,  inson  qadr-qimmatini  e’zozlash,  Yer  yuzida  tinchlikni  saqlash, 
adolatsizlikka  qarshi  kurash,  hayvonot  va  nabodot  olamiga  mehr  ko‘rsatish, 
moddiy  hamda  ma’naviy  boyliklarni  kelajak  avlodlarga  yetkazish,  global 
muammolar  yechimiga  o‘z  hissasini  qo‘shish  kabi  olijanob  maqsadlarni  kiritish 
mumkin.