O‘zbekiston Respublikasida investitsiya faoliyatini samamrali tashkil etish istiqbollari Topshirdi: 927-21 guruh talabasi Norbekova. M qabul qildi: Saitov. S jizzax 2022

Investitsiyalarning maqsadlari va turlari.
Hozirgi vaqtda investitsiyalarni korxona faoliyati amalga oshirsa ham amalga oshirmasa ham bo‘ladigan “ixtiyoriy” shakli sifatida qaramaslik kerak.Investitsiya faoliyatini amalga oshirmaslik raqobat sharoitida yo‘qotishlarga olib keladi. Shu sababli, barcha ehtimolli investitsiyalarni ikki guruhga bo‘lish mumkin:
-passiv investitsiyalar, ya’ni eski texnologiyani yangilash, yangi xodimni tayyorlash va boshqa shu kabilar hisobiga korxonaning foydalilik ko‘rsatkichlari hech bo‘lmaganda yomonlashmasligini ta’minlaydigan investitsiylar.
-aktiv investitsiyalar, ya’ni yangi texnologiyalarni qo‘llash, talabgor tovarlarni ishlab chiqarishni tashkil etish, yangi bozorlarni egallsh hisobiga firmaning raqobatbardoshligini oshirishni ta’minlaydigan investitsiyalar.
Investitsiyalar turli shakllarda amalga oshiriladi va ularni tahlil qilish, rejalashtirish uchun alohida xususiyatlarni kelib chiqqan holda guruhlashtiriladi. Masalan, O‘zbekiston Respublikasining “Investitsiya faoliyati to‘g‘risida”gi qonunida investitsiya mo‘ljallangan obyektiga ko‘ra, “kapital, innovatsiya va ijtimoiy” investitsiyalarga bo‘linadi.
Kapital investitsiyalarga asosiy fondlarni vujudga keltirish va takror ishlab chiqarishga, shu jumladan yangi qurilishga, modernizatsiyalashga, rekonstruksiya qilishga, texnik jihatdan qayta jihozlashga, shuningdek, ishlab chiqarishning boshqa shkllarini rivojlantirishga kiritiladigan investitsiyalar kiradi. Innovatsiya investitsiyalarga yangi yoki takomillashtirilgan tovarlarni (ishlarni, xizmatlarni), ishlab chiqarish jarayonini, tadbirkorlik faoliyatini yuritishda yangi marketing uslubini yoki tashkiliy uslubni ishlab chiqarish va o‘zlashtirishga kiritiladigan investitsiyalar kiradi.
Ijtimoiy investitsiyalarga inson salohiyatini, ko‘nikmalarni va ishlab chiqarish tajribasini oshirishga, shuningdek, nomoddiy ne’matlarning boshqa shakllarini rivojlantirishga kiritiladigan investitsiyalar kiradi.
Boshqa iqtisodiy kategoriyalar singari investisiyalar ham bir qator guruhlarga bo‘linishi mumkin.