O’zbekiston Respublikasi Xalq

T A Q R I Z
Navoiy o`z asarlarida tarixiy shaxslar obraziga juda ko`p murojaat qiladi, o`tmishda 
yashab o`tgan mutafakkirlar, podshohlar, donishmandlar bilan birgalikda o`z zamondoshlari, 
ustozlari, safdoshlari, do`stlari obrazini ham keltiradi, ularning ta’rif-tavsiflarini bayon etadi. 
Tarixiy shaxslar orasida Husayn Boyqaro siymosi yorqin bo`yoqlarda tasvirlangan. Shoir 
asarlarida berilgan ma’lumotlarga tayangan holda Navoiy va Husayn Boyqaro munosabatlari 
haqida ma’lum tasavvurga ega bo`lish mumkin.
Rasulova Dilnozaning “Alisher Navoiyning “Tarixi Muluki Ajam”asaridagi
masnaviyda Husayn Boyqaro timsoli” mavzusidagi bitiruv malakaviy ishi ana shu masalaga
bag`ishlangan. Ish kirish, ikki asosiy bob, xulosa va foydalanilgan adabiyotlar ro`yxatidan 
iborat. 
Bitiruv malakaviy ishda Alisher Navoiyning Husayn Boyqaro timsoli berilgan deyarli 
barcha asarlari tahlilga tortilgan, shoir asarlarining yaratilishiga sababchi bo`lgan Sulton 
Husayn Boyqaro xizmatlarining Navoiy tomonidan e’tirof etilishiga diqqat qaratilgan, Husayn 
Boyqaro siymosi bilan bog`liq baytlar tahlilga tortilgan. “Tarixi muluki Ajam” asarida 
berilgan masnaviy keng tahlil qilingan. Shoir tomonidan Sulton Husayn Boyqaroga xos 
bo`lgan sifatlar birma-bir tilga olinganligi, boshqa shohlarga o`rnak qilib ko`rsatilishi alohida 
ta’kidlangan.
Bitiruvchi Alisher Navoiy asarlari bilan, ular haqida yaratilgan tadqiqotlar bilan to`liq 
tanishgan. Mavzuni yetarlicha darajada yorita olgan. Bitiruv ishida ilmiy manbalar, nazariy 
ma’lumotlardan atroflicha foydalanilgan. Talabaning mustaqil fikrlashi, mulohazalari talab 
darajasida.
Bitiruv malakaviy ishi Davlat attestatsiyasi talablariga javob beradi. Davlat 
attestatsiyasi komissiyasidan ishni munosib baholashlarini so`rayman.

---

Taqrizchi: dotsent A.Zayniddinova