O‘zbekiston respublikasi xalq ta`limi vazirligi

Talabalar uchun talablar

Fan bo‘yicha talabalarning bilimiga, ko‘nikma va malakasiga qo‘yiladigan talablar Talabalar fan bo‘yicha adabiy til milliy tilning oliy shakli (yuqori bosqichi) ekanligini, uning millat taqdiridagi rolini yaxshi tasavvur qilish; adabiy til taraqqiyotini belgilovchi lingvistik va ekstralingvistik omillar, nutq madaniyati va mutolaa san’ati, uning og‘zaki va yozma shakllarini farqlay olish kabi nazariy bilimlarni chuqur o‘zlashtirishi talab qilinadi. Talabalar adabiy tilning dialekt va shevalardan, jargon va argolardan farqini, funksional stillar (vazifaviy uslublar) bilan aloqasini bilish; o‘zbek tilining fonetik-fonologik, leksik-semantik sathlari nimalardan tarkib topishini, bunday sathlar o‘rtasidagi aloqadorlikni, ularning har biridagi strukturaviy va sistemaviy jihatlarni chuqur anglagan va tasavvur qilgan holda adabiy meyor va undan chetlashish ko‘nikmasiga ega bo‘lishlari lozim. Nazariy ma’lumotlarga tayangan holda badiiy adabiyotlardan adabiyotlar to‘plash va ularni tahlil qilishni o‘rganish; faktik materiallar asosida ma’lum nazariy xulosalar chiqara bilish malakasiga ega bo‘lishlari talab qilinadi.