Ozbekiston respublikasi xalq ta’limi vazirligi

Texnologiyaning  maqsadi:  o‘quvchilarni  erkin,  mustaqil,  mantiqiy  fikrlashga,  jamoa 
bo‘lib  ishlashga,  izlanishga,  fikrlarni  jamlab,  ulardan  nazariy  va  amaliy  tushuncha  hosil 
qilishga,  jamoaga  o‘z  fikri  bilan  ta’sir  eta  olishga,  uni  ma’qullashga  shuningdek  mavzuning 
tayanch tushunchalariga izoh berishda egallagan bilimlarini qo‘llay olishga o‘rgatish. 
O‘tkazishtartibi: 
1. 
O‘qituvchi  o‘quvchilarni  mavzular  soniga  qarab  3-5  kishidan  iborat  kichik 
guruhlarga ajratadi; 
2. 
O‘quvchilar mashg‘ulot maqsadi va uning o‘tkazilish tartibi bilan tanishtiriladi; 
3. 
Har bir guruhga qog‘ozning chap qismida kichik mavzu yozuvi bo‘lgan  varaqlar 
tarqatiladi; 
4. 
O‘qituvchi  guruh  a’zolarini  tarqatma  materialda  yozilgan  kichik  mavzular  bilan 
tanishishlarini  va  shu  mavzu  asosida  bilganlarini  flamaster    yordamida    qog‘ozdagi    bo‘sh  
joylarga  jamoa  bilan birgalikda  fikrlashib yozib chiqish vazifasini beradi va vaqt belgilaydi; 
5. 
Guruh  a’zolari  birgalikda  tarqatma  materialda  berilgan  kichik  mavzuni  yozma 
ko‘rinishida  ifoda  etadilar.  Bunda  guruh  a’zolari  kichik  mavzu  bo‘yicha  imkon  boricha 
to‘laroq ma’lumot berishlari kerak bo‘ladi; 
6. 
Tarqatma  materiallar  to‘ldirilgach  guruh,  a’zolaridan  bir  kishi  taqdimot  qiladi. 
Taqdimot vaqtida guruhlar tomonidan tayyorlangan material albatta sinf doskasiga  tagma-tag 
(zina) shaklida ilinadi; 
7. 
O‘qituvchi  guruhlar  tomonidan  tayyorlangan  materiallarga  izoh  berib,  ularni 
baholaydi va mashg‘ulotni yakunlaydi; 
O‘quvchilar  bu  texnologiya  orqali  guruhlarda  ishlashga  o‘rganadilar,  o‘tilgan  mavzuni 
sub’ekt  o‘qitish  orqali  mustahkamlaydilar.  Odobnoma  darslarida  “Buyuk  ajdodlarimiz” 
haqidagi  mavzu  bo‘yicha  bu  texnologiyani  qo‘llasak,  1-guruhga  “Bizning  ajdodlarimiz”,  2-
guruhga  “Ajdodlarimiz  qoldirgan  meroslar”,  3-guruhga  “Ajdodlarga  munosib  farzand 
bo‘lamiz”, 4-guruhga “Hozirgi kun avlodlari” mavzusi bo‘yicha bilganlarini yozish topshirig‘i 
beriladi. O‘quvchilar bu haqdagi topshiriqni bajargach, doskaga ma’lumotlar tagma-tag ilinadi. 
Har bir guruh sardori ma’lumot berib, o‘z mavzusini himoya qiladi. To‘liq va keng ma’lumot 
bergan guruh g‘olib hisoblanadi.