O‘zbеkisтоn rеspublikаsi xаlq та’limi vаzirligi

Topshiriqlar:

1. 
   Matn asosida reja tuzing.
   
2. 
   Reja asosida o‘z fikrlaringizni qo‘shib ijodiy bayon yozing.
   

“Sog‘lom ona va bola” oila quvonchi
O‘zbekiston Respublikasi mustaqilligi e’lon qilingan dastlabki kunlardan boshlaboq, davlatimiz tomonidan mamlakat fuqarolarining salomatligi haqida g‘amxo‘rlik qilish boshlandi. Inson manfaatlari, oila, ayollar, sog‘lom avlod, ona va bolaning salomatligiga alohida e’tibor bilan qarash maqsadida ularning har biriga nomlar atalgan bo‘lib, Davlat dasturlari tuzilgan.
O‘zbekiston Respublikasi Prezidenti I.A.Karimov avlodimizning davomchilari bo‘lgan farzandlarimizni sog‘lom bo‘lishi, go‘daklar sog‘ – salomat tug‘ilib voyaga yetishishiga alohida e’tibor qaratib bu yilni “Sog‘lom ona va bola” yili deb e’lon qildi.
Zero, hayot bir zanjir bo‘lsa, onalar va bolalar – uning xalqalari, hayot bir shoda bo‘lsa, ona va bola uning dur-u gavharlaridir.
Ona-bu hayot, demak. Ona borki hayot davom etadi, ona borki oila chirog‘i o’chmaydi, ona borki olam bor. Sog‘lom bolaning tug‘ilishi, eng avvalo onaning sog‘ligiga bog‘liq, chunki sog‘lom farzand faqat sog‘lom oilada tug‘iladi.
Oila muqaddas dargoh. O‘zbek xalqi uchun oila mustahkamligidan ko‘ra muhimroq narsani topish qiyin. Hech bir inson hayotini oilasiz tasavvur qila olmaydi. Farzandlar kamolida oilaning o‘rni juda muhim masala hisoblanadi. Ularning kelajakda qanday farzand bo‘lib yetishishlari oilaviy muhit bilan chambarchas bog‘liq. Tarbiyaning asosiy ildizi oiladir. Shunday ekan, ota-onalar o‘zlarining go‘zal hulq–atvorlari bilan farzandlariga namuna bo‘lishlari kerak. Mustahkam oila bag‘rida farzandlar baxtli hayot kechiradilar, sog‘lom va barkamol bo‘lib voyaga yetadilar. Oila nechog‘lik hamjihat, fayzli bo‘lsa, jamiyat ham shunchalik mustahkam farovon bo‘ladi.
Mustaqilligimizning ilk yillaridanoq sog‘lom avlod tarbiyasi eng muhim vazifalardan bo‘lib kelyapti. Ya’ni barkamol avlodni tarbiyalash masalasi davlat siyosati darajasiga ko‘tarilgan. Sog‘lom avlod deganda, sog‘lom naslni, nafaqat jismonan baquvvat, shu bilan birga ruhi, fikri sog‘lom, iymon-e’tiqodi butun, bilimli, ma’naviyati yuksak, mard, jasur, vatanparvar avlodni tushunamiz. Bizning yurtimizda yoshlarga juda katta e’tibor qaratilgan. Chunki biz yoshlar – O‘zbekistonning kelajagimiz. Biz yoshlarning yaxshi yashashimiz, yaxshi ta’lim-tarbiya olishimiz, madaniy hordiq chiqarishimiz uchun barcha shart-sharoitlar yaratilgan. Yurtimizda bizning ta’lim-tarbiya olishimiz uchun yangi-yangi maktablar, akademik litseylar, kollejlar, oliy o‘quv yurtlari bunyod etilgan bo‘lib, shular qatorida imkoniyati cheklangan bolalar maktab-internatlari ham bor.
Yoshlar Vatanimizning faxridir. Hozir yoshlarni turli sohalarda ko‘rish mumkin. Hozirgi kunda yoshlarga keng imkoniyatlar eshigi ochib berilgan. Yoshlarimiz hozirgi kunda dunyoning eng nufuzli oliy o‘quv yurtlarida tahsil olishmoqda, jahon sport maydonlarida yuksak o‘rinlarga ko‘tarilayotgani bu davlatimizning yoshlarga bo‘lgan g‘amxo‘rligi, ishonchidir. Zero, yurtboshimiz aytganlaridek, “Farzandlari sog‘lom yurt qudratli bo‘lur”.