Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Elektron pochtadan foydalanish va elektron xabarlarni almashish madaniyati. Hayotdagi etika kabi elektron pochtada ham foydalanish etikasi mavjud. Ularning ba’zilariga toʻxtalib oʻtamiz:

- pochtangizni tez-tez oʻqib turing. Koʻpchillik foydalanuvchilar oʻz xatlarini faqatgina boʻsh vaqtlaridagina oʻqiydilar. Bu korrespondentlarga nisbatan boʻlgan behurmatlikdir. Buning oqibatida siz juda ham muhim boʻlgan axborotni qoʻldan boy berishingiz mumkin. Foydalanuvchi pochtasini har doim, oʻz vaqtida oʻqib borishi lozim;

− xatda albatta sarlavha (subject) koʻrsatish zarurdir. Bu mijozlarni ortiqcha ishlardan qutqaradi;

− xatingizni oluvchini biling va hurmat qiling;

− xatni xatosiz yozing. Grammatik va orfografik xatolar bilan yozilgan xat joʻnatuvchi toʻgʻrisida yaxshi taassurot qoldirmaydi;

− qisqa yozing. Elektron pochtada yozayotgan xatingizni mazmunini qisqa va aniq koʻrsata biling. Xatingizdagi xatolar va fikrdan chiqib ketishlik birinchi oʻrinda xatingizni emas, balki sizning oʻzingizni xarakterlaydi;

− oʻz xatingizni boshqa manzillarga koʻchirishlikdan saqlaning. Oʻz xatingizni faqatgina shu xat tegishli boʻlgan manzillarga joʻnating. Aks holda, xatlarni koʻp manzillarga joʻnatish hamkorlaringizda yaxshi taassurot uygʻotmasligi mumkin;

− kerak boʻlmagan taqdirda oʻz xatingizga javob va soʻrovlar yoʻllamang.

Kerak boʻlmagan taqdirda «iltimos javob bering» yoki «iltimos xatni tasdiqlang» kabi soʻrovlarni yoʻllamang;

− soʻrovlarga toʻliq javob bering. Soʻrovlarga javob berishda qisqa «ha» yoki «yoʻq« kabi javob bermang. Bu hol xat oluvchida tushunmovchiliklarga olib kelishi mumkin.