Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Xabarlarni uzatish va qabul qilish. Tashkil qilingan elektron pochta orqali boshqa elektron manzilga xat joʻnatish ketma-ketligini koʻrib chiqamiz: dastlab, mail.ru Web sahifasi ishga tushiriladi va ekranda hosil boʻlgan ishchi oynaning Imya darchasida foydalanuvchi elektron manzili va Parol darchasida paroli kiritiladi va Voyti tugmachasi bosiladi. Komu darchasiga xat joʻnatilishi kerak boʻlgan elektron manzil, Kopiya darchasiga, agar shu xat boshqa manzilga ham joʻnatilishi kerak boʻlsa, oʻsha manzil, Tema darchasiga xat mavzusi yoziladi. Xat mazmuni pastki boʻsh oynaga yoziladi va Otpravit tugmachasi bosiladi. Agar xat toʻgʻri joʻnatilgan boʻlsa, u holda ekranda Uspeshno otpravlen ma’lumoti paydo boʻladi. Foydalanuvchi elektron manzil orqali kompyuter xotirasidagi ixtiyoriy fayllarni ham joʻnatishi mumkin. Buning uchun Prikrepit tugmachasi bosiladi. Agar bir nechta faylni joʻnatish kerak boʻlsa, qolgan fayllar ham shu tartibda tanlanadi.

Foydalanuvchi elektron pochtasiga kelgan xatlarni koʻrishi uchun Vxodyashiye buyrugʻi tanlanadi. Ekranda pochtaga kelgan xatlar roʻyxati paydo boʻladi. Unda xat kimdan, mavzusi, pochtaga qachon kelib tushgan va fayl oʻlchami toʻgʻrisida ma’lumot saqlangan. Foydalanuvchi xatni oʻqishi uchun, Tema bandida sichqonchaning chap tugmachasi bosiladi. Ekranda xat mazmuni paydo boʻladi. Foydalanuvchi xatni oʻqishi va agar zaruriyat boʻlsa FaylPechat buyrugʻi orqali printerda chop qilishi mumkin. Elektron pochtadagi keraksiz xatni oʻchirish uchun dastlab u belgilanadi va Udalit tugmachasi bosiladi. oʻchirilgan fayl Korzinaga borib tushadi. Korzinani tozalash Ochistit Korzina buyrugʻi orqali amalga oshiriladi.