Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Internet tizimida oʻquv muassasasi uchun yaratilgan saytlar. Bugungi kunda taraqqiyot juda tez rivojlanmoqda va juda tez oʻzgarmoqda. Deyarli har daqiqada sayyoramizning turli burchaklarida oʻzgarishlar, yangilanishlar va kutilmagan voqyea-hodisalar sodir boʻlmoqda. Har bir kunimiz kuchli axborot oqimi ostida kechmoqda. Axborot oqimi bizni uyda, ishxona va ta’tilda ta’qib etadi. Inson informasiya ta’siridan xoli normal faoliyat yurita olmaydi. Hayotni anglash, uni oʻrganish informasiyalarni yigʻish va oʻzlashtirish orqali kechadi. Insonning bilimlilik darajasi ham ma’lum davr ichida shaxs tomonidan oʻzlashtirilgan informasiyalarning koʻp yoki ozligi bilan belgilanadi.

Shuning uchun zamonaviy bilimlar sari keng yoʻl ochish, ta’limotni takomillashtirishda yangi axborot texnologiyalardan unumli foydalanish - bugungi kunning talabiga aylandi. Vaholanki, ta’lim tizimida sezilarli oʻzgarishlar roʻy bermoqda. Ta’lim tizimida oʻquv muassasalari uchun yaratilgan saytlardan foydalanish oʻqitish qoʻllanilmoqda.

Oʻquv muassasalari uchun yaratilgan saytlarning yana bir afzalligi shundaki, unda oʻquvchi oʻziga qulay vaqtda va hattoki ishdan ajralmagan holda oʻqishi mumkin.

Oʻquv muassasalari uchun yaratilgan saytlarning yana bir afzallik tomoni unda oʻqish muddatini oʻquvchi oʻzi belgilaydi, ya’ni ta’lim oluvchi ixtiyoriy paytda oʻqishni boshlaydi, materiallarni oʻqituvchi nazoratida oʻzlashtiradi. Oʻzlashtirish topshiriklarni, testlarni bajarishiga qarab aniqlanadi. Oʻquvchi berilgan programmani qanchalik tez oʻzlashtirsa, shunchalik tez oʻqishni tugatadi va guvohnoma oladi. Dasturni oʻzlashtira olmasa, unga mustaqil ishlab, oʻqishni davom ettirishga imkoniyat beriladi.

Oʻquv muassasalari uchun yaratilgan saytlardagi berilgan materiallari asosan quyidagilardan iborat boʻladi:

• 
  darslik;
  
• 
  audio va video darsliklar;
  
• 
  onlayn darslar (Internet sahifa);
  
• 
  elektron kutubxonalar;
  
• 
  testlar;
  
• 
  multimedia - elektron darsliklar.
  

Respublikamizda oʻquv muassasalari uchun yaratilgan saytlar kataloglashtirish, respublika ta’lim muassasalarida tayyorlanayotgan elektron oʻquv adabiyotlarini barcha ta’lim muassasalari orasida targʻib qilish muhim va murakkab vazifa hisoblanadi. Davlatimiz rahbariyati tomonidan ushbu masalani ijobiy yechimini topish hamda ta’lim muassasalari uchun yaratilgan elektron oʻquv resurslari va ta’lim muassasalari saytlarini ta’lim jarayoniga tatbiq etishga jiddiy e’tibor berilmoqda. Buning natijasi sifatida Oʻzbekiston Respublikasi Prezidentining qaroriga binoan tashkil qilingan www.ziyonet.uz axborot- ta’lim portali ishga tutirildi va bu portalda barcha ta’lim muassasalari uchun ta’lim resurslari joylattirilganligi ahamiyatga molikdir.