Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Blu-ray Disc, BD (ingl. bluye ray — xavo rang nur va disc-disk)-optik disk tashuvchi formati boʻlib, raqamli axborotlarni hamda yuqori aniqlikdagi videomateriallarni katta zichlikda yozish imkonini beradi. Blu-ray Disc dagi axborotlarni oʻqishda qisqa toʻlqinli lazer (405 nm) dan foydalaniladi. Ushbu disklardagi axborot hajmi bir qatlamli diskda 25Gb, ikki qatlamli diskda 50Gbni tashkil qiladi.
Manipulyatorlar. Kompyuterni boshqarish uchun sodda, qulay va ommmabop boʻlgan qurilmalardan biri bu manipulyator (sichqoncha) hisoblanadi. “Virtual borliq” vositalari. Virtual borliqqa kirishning eng oddiy yoʻli kompyuter ekrani hisoblanadi va bu borliqda sichqoncha, klaviatura, djoystik yordamida ishlash mumkin.
Bulardan tashqari virtual borliqni yaxshiroq his etish uchun boshqa qurilmalarni ham ishlatish mumkin. Ular:
Turli oynali koʻzoynak - bu qurilma tasvirni oʻch oʻlchamda (hajmli) koʻrishga yordam beradi.
Bir muncha murakkabroq ishlaydigan koʻzoynak ham mavjud boʻlib, uning ishlash prinsipi quyidagicha: ekran orqali koʻzoynakning bitta koʻziga tasvir yuboriladi, ikkinchisi esa qorongʻu boʻlib turadi. Soʻngra tasvir keyingi koʻzga oʻtadi, shu tarzda tasvir ketma-ket koʻrsatiladi va koʻzoynak ekranida oʻch oʻlchamli tasvir illyuziyasi hosil boʻladi.
Virtual borliq shlemi (Hyead Mounted Display) – oʻylab topilgan virtual borliqni toʻliq his etish uchun
moʻljallangan qurilma. Tasvir hajmini koʻrsatish uchun shlem ichida ikkita uncha katta boʻlmagan ekran joylashgan boʻlib, tasvir ham ikkiga boʻlinadi va ikkala koʻz uchun alohida tasvir yaratiladi. Ushbu shlem 360 gradus sohadagi barcha tasvirlarni vizual koʻrish imkonini beradi, hattoki bosh burilgan vaqtda mos ravishda tasvir joylashuvi ham oʻzgaradi³.
Axborotli qoʻlqop – virtuallik oshirish maqsadida ishlatiluvchi qoʻlqop boʻlib, u yordamida virtual borliqdagi predmetlarni ushlash, surish va harakatga keltirish mumkin⁴.
VR-kostyum - virtual borliqning eng toʻliq toʻplamli qurilmasi hisoblanadi. Tananing barcha nuqtalaridagi harakatni kuzatib boruvchi koʻpgina magnitli sensorlardan iborat kombinzon.
Multimedia tizimining dasturiy muhitini ham ikkiga boʻlish mumkin: amaliy va ixtisoslashtirilgan. Amaliy dasturlar foydalanilayotgan yoki loyihalashtirilgan amaliy dasturlar.
Ixtisoslashtirilgan dasturlarga multimedia ilovalarini yaratuvchi dasturiy vositalar kiradi. Bu toifadagi dasturlarga grafik muharrir, videotasvir muharriri, tovushli axborotni xosil qilish va muharrirlash vositalari kiradi.
Kompyuter grafikasi – bu hisoblash tizimlarining dasturiy va apparat vositalari yordamida tasvirlarni hosil qilish va qayta ishlash vositalarini hamda uslublarini oʻrganuvchi, informatikaning sohasidir.
Kompyuter grafikasi tasvirlarni monitor ekranida yoki nusxa sifa- tida tashqi tashuvchilar (magnit tashuvchilar, qogʻoz, kinoplyonka)da namoyish etishning turli koʻrinishlarini va shakllarini qamrab oladi.Kompyuter grafikasi kompyuterlar, televizorlar va kinotexnologiyalar asosida yuzaga keladi. Kompyuter grafikasi 3 xil boʻladi: rastrli (nuqtali), vektorli fraktal.