Oʼzbekiston respublikаsi xаlq tа`limi vаzirligi sаmаrqаnd dаvlаt universiteti

OʼZBEKISTON RESPUBLIKАSI XАLQ TА`LIMI VАZIRLIGI
SАMАRQАND DАVLАT UNIVERSITETI

Fakultet : Tarix	Magistratura talabasi : Baratov H.I
Kafedra : O’zbekiston tarix	Ilmiy rahbar : dots. G’oyibov.B.S
O’quv yili : 2020-2021	Mutaxassisligi : O’zbekiston tarixi

Ilk Oʻrta asrlar janubiy Sugʻd – Kesh va Naxshab: geografik joylashuvi, ma’muriy-siyosiy boʻlinishi, boshqaruvi mavzusidagi magistrlik dissertatsiyasiga
ANNOTATSIYA
Oʻzbekiston hududida yashagan xalqlarning, ijtimoiy-siyosiy, iqtisodiy va madaniy, tarixiy-geografik jarayonlarini qamrab olgan tadqiqotlar yuzaga keldi. Bunday tadqiqotlar jumlasiga Sugʻd konfederasiyasi tarixiga doir tadiqotlarni misol tariqasida koʻrsatish mumkin. Oʻrta Osiyo, xususan, Oʻzbekiston xalqlari tarixida qadimiy va ilk oʻrta asr Sugʻd konfederasiyasining oʻrni va ahamiyatini belgilovchi ma’lumotlar mavjud.
Ilk oʻrta asrlar davriga kelib mulkka boʻlgan munosabatlarning oʻzgarib borishi natijasida bu yerdagi diniy qarashlar va ijtimoiy hayotga sezilarli ta’sir koʻrsatdi.
Sugʻdiyonada sugʻorma dehqonchilik va hunarmandchilikning yuksak darajada rivojlanishi bu yerda shaharsozlik madaniyatining shakllanishi hamda taraqqiy etishiga olib keldi. Buning natijasida Sugʻdiyonada Sarazm, Samarqand, Koʻktepa, Qarshi, Shahrisabz va Buxoro kabi qadimiy shaharlar paydo boʻlgan. Bu shaharlarning tarixiy taraqqiyoti natijasida Sugʻd zaminida shaharsozlik madaniyati va diniy qarashlar moddiy va ma’naviy madaniyat, tasviriy san’at yuksak darajada rivojlangan va uning ta’siri qoʻshni mintaqalarga ham yoyilgandir.
Ushbu masala doirasida Sugʻdning alohida hududlarining tarixiy-geografik holati va mazkur jarayonlarning ijtimoiy-siyosiy madaniy hayotga ta’siri masalalarini tadqiq etish muhim ahamiyat kasb etadi. Ayniqsa, Markaziy Sugʻdning bosh boʻgʻinlarini tashkil qilgan Kesh va Naxshab mintaqalari tarixiy geografiyasi va siyosiy hayoti masalalarini alohida tadqiq etish fan oldidagi dolzarb vazifalardan hisoblanadi.