O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning fizika fanidan davlat ta’lim standarti va o‘quv dasturi toshkent-2017

O‘quvchilarda shakllangan fanga oid umumiy kompetensiyalar:
Fizik jarayon va hodisalarni kuzatish, tushunish va tushuntirish kompetensiyasi:
A2
Broun harakatini, Selsiy va Kelvin temperaturasi shkalalarini, sirt taranglik hodisasini, ho‘llash va kapillyarlikni, bug‘lanishni, kondensatsiyalanishni, shudringni, qirovni, tumanni, bulut va yog‘inlarning hosil bo‘lishini, qaynashni, elastik va plastik deformatsiyalarni kuzatadi;
izojarayonlar, ichki energiya va ish, issiqlik miqdori, moddaning solishtirma issiqlik sig‘imi, ichki yonuv dvigatellari, bug‘ turbinasi, reaktiv dvigatel, termodinamikaning birinchi qonuni, moddalarning erishi va qotishi haqida ma’lumotlarni tushunadi va tushuntira oladi.
A2+
temperatura shkalalari, sirt taranglik hodisasi, ho‘llash va kapillyarlik, bug‘lanish, kondensatsiyalanish, qaynash, elastik va plastik deformatsiyalardan kundalik turmushda foydalana oladi.
Tajribalar o‘tkazish, fizik kattaliklarni o‘lchash va xulosalar chiqarish kompetensiyasi:
A2
Gazning selsiy temperaturasini, sirt taranglik kuchini, deformatsiya turlarini, psixrometr yordamida havoning nisbiy namligini, qattiq jismlarning solishtirma issiqlik sig‘imini, turli temperaturali suvlar aralashtirilganda issiqlik miqdorlarini, suyuqlikning sirt taranglik koeffitsientini aniqlash bo‘yicha tajribalarni o‘tkaza oladi va xulosa chiqara oladi.
A2+
tajribalarni mustaqil ravishda o‘tkazib, xatoliklarni hisoblay oladi, tahlil qiladi.
Fizik bilimlar va asboblardan amaliyotda foydalana olish kompetensiyasi:
A2
modda miqdori, molyar massa, ideal gaz molekular-kinetik nazariyasining asosiy tenglamasi, gaz molekulalarning harakat tezligi, Mendeleev-Klayperon tenglamasi, Boyl-Mariot, Gey-Lyussak, Sharl qonunlari, ichki energiya, issiqlik miqdori, Termodinamikaning birinchi qonuni, suyuqlikning sirt taranglik kuchi, suyuqliklarning kapillyarlarda ko‘tarilish balandligi, mexanik kuchlanishga doir masalalarni yecha oladi;
Termometr, manometr, psixrometr, issiqlikdan himoyalovchi keramik plita, quruq yoqilg‘i, elektron tarozi, dinamometr, kapillyar naychalar to‘plamidan xavfsizlik qoidalariga rioya qilgan holda amaliyotda foydalana oladi.