O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning adabiyot fanidan davlat ta’lim standarti va o‘quv dasturi toshkent-2017

36-38-mavzu. Shukur Xolmirzayev. Hikoyalar. (3 soat, A2+: 5 soat)

Shukur Xolmirzayev hayoti va ijodi haqida qisqacha ma’lumot. “Ot egasi”, “Omon ovchining o‘limi”, “Xumor” hikoyalarida inson va tabiat o‘rtasidagi uyg‘unlikning ifodalanishi. Hikoyalarining syujeti, kompozitsion qurilishi va badiiy xususiyatlari. Adib hikoyalarida tarixiy davrga xos voqealar bayoni.

Takrorlash: (1 soat)

Nazorat ishi: Test topshiriqlari. (1 soat)

Sinfdan tashqari o‘qilgan asarlar muhokamasi. (1 soat, A2+: 2 soat)
39-40-mavzu. Shavkat Rahmon she’rlari. “Tungi manzara”, “Tong ochar ko‘zlarin...”, “Oy sinig‘i”, “Anorga qasida”, “Muhabbat”, “Jangda o‘lgan emas biror bahodir”, “Qodiriy va yoshlar”, “Baxt so‘zi” she’rlari. (2 soat, A2+: 4 soat)

Shavkat Rahmon hayoti va ijodi to‘g‘risida qisqacha ma’lumot. Shoir she’riyatining yetakchi xususiyatlari. Shoir she’riyatining asosiy mavzulari. “Tungi manzara”, “Tong ochar ko‘zlarin...”, “Oy sinig‘i” kabi she’rlaridagi lirik qahramon tabiati. “Muhabbat”, “Jangda o‘lgan emas biror bahodir”, “Qodiriy va yoshlar”, “Baxt so‘zi” va boshqa she’rlarida shoirning o‘ziga xos qarashlarining ifodalanishi. Shoir poetik mahorati, she’rlarining badiiy latofati.

41-42-mavzu. Muhammad Yusuf. “Vatanim”, “Mehr qolur”, “Yurtim, ado bo‘lmas armonlaring bor” she’rlari. (2 soat, A2+: 4 soat)

Shoir hayoti va ijodi haqida qisqacha ma’lumot.

Muhammad Yusuf she’rlarida insondagi yashirin tuyg‘ularning samimiy tasvirlanishi. His-tuyg‘ularning samimiyligi va haqqoniyligi Muhammad Yusuf she’rlarining yetakchi fazilati sifatida. Shoir she’rlarida inson ko‘nglidan kechgan, ifodalash mushkul bo‘lgan sezgilarning o‘ta tabiiy aks ettirilishi.

Muhammad Yusuf she’rlarining jozibadorligini ta’minlab turgan samimiylik, musiqiylik va tasvir o‘ynoqiligi.