O'zbekiston respublikasi xalq ta’limi vazirligi respublika ta’lim markazi mehnat ta’limi fanidan dars ishlanmalar to’plami tuzuvchi: O’. O. Tohirov, rtm metodisti Toshkent – 20 Mashg’ulotning tеxnologik xaritasi va o’tkazilish ishlanmasi

1-rasm. Go’niya
Ko’pincha o’quvchilar undan ponani urib chiqarishda bolg’achalar kabi foydalanadilar. Bu esa noto’g’ri hisoblanadi.

Go’niya har bir duradgorlik va metallga ishlov berish ustaxonalarida bo’lishi zarur. Uni tayyorlashga kam material ketadi, shu sababli, har bir ustaxonada bu ishni amalga oshirish mumkin.

Bu ishni amalga oshirishda o’quvchilar berilgan chizmani o’qishni, ishlarni mustaqil tashkil qilish orqali duradgorlik ishlarini bajarish malakalariga ega bo’ladilar.

Ish tartibi ikkita amaliy mashg’ulotga mo’ljallangan bo’lib, birinchi amaliy mashg’ulotda o’quvchilar go’niya asos kundasini yasashni o’rganadilar va yasaydilar.

Ikkinchi amaliy mashg’ulotda o’quvchilar go’niya asos kundasi va bo’linmaalrini to’g’ri burchak ostida biriktirish va pardozlash ishlarini bajaradilar.

Buning uchun material (zagatovka) bir muncha katta o’lchamda olinadi. Bunda ikkita maqsad bor: birinchidan, uzun materialni randalash oson, ikkinchidan, o’quvchilarda quloqcha tayyorlashni imkoni bo’ladi.

Go’niya kundalarini mahkamlashning pishiqligini oshirish uchun yelimlab biriktirilgandan keyin birikish joyiga imkoniyatga ko’ra 5-6 mm li nagel (bir yoki ikkita) o’rnatish maqsadga muvofiq hisoblanadi.

O’quvchilar amaliy mashg’ulot davomida go’niya yasashni bilib olgach, porsi go’niya (yerunok) yasashlari mumkin. Uning go’niya tayyorlashdan farqi shundaki, uning kundasidagi quloqcha 45⁰ og’ish burchagi ostida qilinadi. Kundani esa ikkinchi asos kunda markaziga o’rnatiladi (2-rasm).