O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning tasviriy san`at fanidan Davlat ta’lim standarti va o‘quv dasturi toshkent-2017

O‘quvchilarda shakllantiriladigan tayanch kompetensiyalarning elementlari:

Kommunikativ kompetensiya:

A1

tasviriy san’at faniga oid atamalarni muloqot jarayonida qo‘llay olish;

mavzu bo‘yicha savollar berish hamda savollarga javob berish;

muloqotda muomala odobiga rioya qilish, suhbatdoshining fikrini tinglay olish, o‘z fikrini tushuntira bilish;

maktabda, ko‘chada, uydagi turli vaziyatlarda o‘zini tuta olish;

muloqotga kirishishda muomala madaniyatiga rioya qilish.

A1+

tasvirlanadigan natura ko‘rinishini sodda bayon qilish;

olgan bilimlari asosida mustaqil fikr yuritish;

yasalgan buyumlarga mustaqil ravishda munosabat bildirish;

mavzudan kelib chiqib savollarni to‘g‘ri qo‘ya olish va javob berish.

A2

mavzudan kelib chiqib savollarni mantiqan to‘g‘ri qo‘ya olish va javob berish;

o‘zaro muloqotda muomala madaniyatiga amal qilish;

jamoaviy hamkorlikda ishlay olish;

suhbatdosh fikrini tahlil qilgan holda o‘z pozitsiyasini himoya qilish va unga ishontirish;

turli ziddiyatli vaziyatlarda o‘z ehtiroslarini boshqarish, kelishmovchiliklarga odilona, haqqoniy va ijobiy yondashgan holda munosabat bildirish.

A2+

tasviriy san’at faniga oid atamalarni xorijiy tillarda ifodalay olish;

o‘z do‘stlari bilan san`atshunoslik tilida mantiqiy jihatdan to`g`ri muloqotga kirisha olish;

zarur bo‘lgan qarorlarni qabul qilish.