O‘zbekiston respublikasi xalq ta'limi vazirligi respublika ta'lim markazi

1 chorak. Adabiy o`qish

QAMBAR OTA

(1941–2016)

Qambar Ota (O‘tayev) 1941 yil 12 yanvarda Kattaqo‘rg‘on shahrida tavallud topdi. Samarqand suv xo‘jaligi texnikumida, Samarqand davlat universiteti o‘zbek filologiyasi fakultetida (1958–1967) tahsil oldi. Mehnat faoliyatini 1967 yilda “Samarqand universiteti” gazetasi muharriri sifatida boshladi.

1976 yili Toshkentga ko‘chib kelib, G‘afur G‘ulom nomidagi Adabiyot va san'at nashriyotida, “Xalq so‘zi”, “Ma'rifat” gazetalarida turli lavozimlarda ishladi.

Shoirning “Ona Vatan” deb nomlangan ilk she'ri 6-sinfda o‘qib yurgan paytida Kattaqo‘rg‘on tuman gazetasida bosildi. “Kitobcha va buzoqcha” nomli dastlabki to‘plami 1965 yili chop etildi. Shundan so‘ng bolalarga bag‘ishlangan “Yoshlik sururi”, “Chinor ansambli”, “Adashboy”, “Bizning kosmos”, “Tinim bilmas shamolvoy”, “Chavandoz orzusi”, “Shirin so‘z”, “G‘ildirak” kabi ko‘plab kitoblari nashr qilindi.

Tarjimon sifatida belorus, ukrain, latish, eston, rus, shuningdek, jahon bolalar shoirlari ijodidan saralab o‘zbek tiliga tarjima qildi. O‘zining ham ko‘plab she'rlari rus, belorus, qozoq, qoraqalpoq, turkman, tojik, uyg‘ur, turk tillariga tarjima qilingan.

Qambar Otaning ko‘plab she'rlari maktab darsliklariga kiritilgan. Yuzdan ortiq she'rlariga kuylar bastalangan.

Qambar Ota bolalar adabiyoti rivojiga qo‘shgan xizmatlari uchun 1999 yilda “II- darajali Sog‘lom avlod uchun” ordeni bilan taqdirlandi.
Луғат:

таваллуд топмоқ- родился

таҳсил – образование, учеба

муҳаррир- редактор

лавозим- должность

илк - первқй

Таржимон- переводчик

таржима қилмоқ- переводить

дарсликлар- учебники

куй- музыка

тақдирланмоқ- быть оцененным