O'zbekiston respublikasi xalq ta'limi vazirligi n. Mahmudov, A. Nurmonov, A. Sobirov, I. Hojaliyev

31-dars 
SIFATDOSH VA HARAKAT NOMLARIDAGI EGALIK 
QO'SHIMCHALARINING VAZIFASI 
 
Darsning maqsadi: 
a) ilmiy maqsad — sifatdosh va harakat nomlariga qo'shilgan egalik 
qo'shimchalarining vazifasi haqida; 
b) tarbiyaviy maqsad — o'quvchilarni Vatanga muhabbat ruhida tarbiyalash; 
d) rivojlantiruvchi maqsad — o'quvchilarni jamoa bo'lib harakat qilish 
ruhida tarbiyalash. 
Darsning jihozi:
mavjud texnik vositalar.
Darsning rejasi: 

---

38 
1. Sifatdosh va harakat nomlari tarkibidagi egalik qo'shimchalarining 
vazifasi. 
2. Egalik qo'shimchalarining imlosi. 
Dars uyga vazifa sifatida berilgan 106-mashqni o'qitib tekshirish bilan 
boshlanadi. Bu usul orqali o'tgan mavzu eslanadi va yangi mavzuga bog'lab, 
davom ettiriladi. O'quvchilar 1-topshiriqni mustaqil bajaradilar. Namuna: 
Bilganing naf keltirar.
So'ng o'quvchilar hosil bo'lgan gaplarni avvalgisiga 
qiyoslab, qanday o'zgarish bo'lganligini izohlaydilar. Bundan hosil bo'lgan gaplar 
aytish uchun qulayligi, xotirada qolishi bilan ajralib turishi aniq bo'ladi. 
107-mashqni mustaqil yozishadi. Egalik qo'shimchalarining tagiga chizib, 
vazifasini tushuntirib berishadi. Namuna
: Bo’zchi bilganin to'qir, baxshi bilganin 
o'qir.
Bilgan sifatdoshidagi 
-i
egalik qo'shimchasi sifatdoshning shaxs va sonini 
ko'rsatish uchun xizmat qilgan, shuning uchun qaratqich kelishigi qo'shimchasi 
ishlatilmagan. 108-mashqvositasida mavzu mustahkamlanadi. Bunda sifatdosh va 
harakat nomlariga qo'shilgan egalik qo'shimchalari shaxs va sonni ko'rsatgani 
uchun qaratqich kelishigini olgan shaxs bildiruvchi so'zning qo'llanishiga ehtiyoj 
yo'qligiga e'tibor qaratiladi. 109-mashqdan o'quvchilar egalik qo'shimchalarining 
vazifasini, nutqni ixcham, sodda qilishdagi o'rnini gaplarni qiyoslash orqali 
tushunadi. Namuna: 
— Ko’raman kirmaganingni, — dedi Bo'taboy otlanayotib. — 
Ko’raman sening kirmaganingni, — dedi Bo’taboy otlanayotib. 
110-mashq uyga vazifa qilib beriladi