O'zbekiston respublikasi xalq ta'limi vazirligi n. Mahmudov, A. Nurmonov, A. Sobirov, I. Hojaliyev

«HIMOYA» O'YINI 
 
Bu o'yin «tarmoqlar» metodiga oid bo'lib, yangi mavzuni bayon qilishda 
foydalanish mumkin. Buning uchun sinf ikki guruhga bo'linadi. Birinchi guruh 

---

104 
«Topqirlar», ikkinchi guruh «Chaqqonlar» deb nomlanishi mumkin. Har ikki 
guruhga alohida topshiriq beriladi. Masalan, «Topqirlar» guruhi «Modal so'zlar» 
mavzusida «Chaqqonlar» guruhi «Modal so'zlarda tinish bel-gilarning ishlatilishi» 
mavzusida ma'ruza tayyorlaydi. Buning uchun 2-3 minut vaqt ajratiladi. Ma'ruza 
tayyorlashda darslikdagi topshiriq hamda nazariy materialdan foydalaniladi. 
Guruh o'z a'zolari ichidan 1 ta asosiy ma'ruzachi, 1 ta qo'shimcha ma'ruzachi 
tanlaydi. 
Bu ma'ruzachilar guruhga berilgan mavzu bo'yicha darsni bayon qiladi. 1-
ma'ruzachining kamchiligini qo'shimcha ma'ruzachi to'ldiradi. Ikkinchi guruh 
savollar bilan murojaat qilishi mumkin. Keyin 2-guruh ma'ruza bilan chiqadi, 1-
guruh esa savollar beradi. O'yin shu tarzda davom etadi. O'qituvchi boshqaruvchi 
vazifasini bajaradi. Ma'ruzachilarning bayoni to'liq bo'lmasa, o'qituvchi to'ldiradi. 
Bu o'yinning ahamiyati shundaki, o'quvchilar kitob bilan mustaqil ishlashga 
o'rganadi.